សន្តិសុខសង្គម

ឆេះផ្ទះមួយខ្នងដោយសារភ្លើងចង្ក្រានពន្លត់មិនអស់ ស្ត្រីជាម្ចាស់ តក់ស្លុតរហូតដួលសន្លប់

បានផុស

៣ years មុន

នៅ

ថ្ងៃព្រហស្បតិ៍ ២០ មេសា ២០២៣

ដោយ

ករណីភ្លើងឆេះផ្ទះមួយខ្នងអស់ទាំងស្រុងដោយសារតែកន្ទុយអុសក្នុងភ្លើងចង្ក្រានពន្លត់មិនអស់ ពេលស្ត្រីមេម៉ាយជាម្ចាស់ដឹង បានតក់ស្លុតរន្ធត់រហូតដល់ដួលសន្លប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍ខាងលើនេះបានកើតឡើងកាលពីវេលាម៉ោង ៨ ព្រឹក ថ្ងៃទី ១៩ ខែមេសា ឆ្នាំ ២០២៣ នៅភូមិស្រែព្រិច ឃុំអភិវឌ្ឍន៍ ស្រុកទឹកផុស។

សមត្ថកិច្ចនគរបាលមូលដ្ឋានបានឲ្យដឹងថា ករណីអគ្គិភ័យឆេះផ្ទះ ១ ខ្នងនេះ ផ្ទះធ្វើអំពីឈើប្រក់ស័ង្កសីបាំងជញ្ជាំងក្ដារមួយចំណែក និងបាំងស្លឹកត្នោតមួយចំណែក របស់ស្ត្រីមេម៉ាយឈ្មោះ យក់ គី មានកូនប្រុសម្នាក់ រស់នៅភូមិ-ឃុំកើតហេតុខាងលើ។ មុនពេលកើតហេតុស្ត្រីជាម្ចាស់ផ្ទះបានធ្វើដំណើរទៅផ្សារ ចំណែកកូនប្រុសចេញទៅរកអុសឆ្ងាយពីផ្ទះ។

សមត្ថកិច្ចមូលដ្ឋានបានឲ្យដឹងថា ឧប្បត្តិហេតុនេះកើតចេញពីកន្ទុយអុសក្នុងចង្ក្រានដែលកប់ផេះរលត់មិនអស់ ពេលត្រូវខ្យល់ ក៏បានឆេះរាលជញ្ជាំងស្លឹក ហើយក៏ឆាបឆេះដល់កំប៉ុងហ្គាសផ្ទុះឡើង បង្កឲ្យឆេះផ្ទះសន្ធោសន្ធៅពន្លត់មិនទាន់តែម្ដង។