សន្តិសុខសង្គម

ឆ្លៀតពេលឳពុកម្ដាយមិននៅ កូនប្រុសដុតផ្ទះចោលខ្ទេច

បានផុស

៣ years មុន

នៅ

ថ្ងៃពុធ ៣ ឧសភា ២០២៣

ដោយ

យុវជនម្នាក់ដែលគេដឹងថាជាអ្នកប្រើប្រាស់ថ្នាំញៀនត្រូវបានប្រជាពលរដ្ឋចោមរោមចាប់ខ្លួនប្រគល់ទៅអោយសមត្ថកិច្ច ក្រោយពីបានដុតផ្ទះខ្លួនឯងចោលពេលឪពុកម្តាយមិននៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍អគ្គិភ័យដ៏សន្ធោសន្ធៅនេះ បានកើតឡើងនៅល្ងាចថ្ងៃទី២ ខែឧសភា ឆ្នាំ២០២៣ នៅចំណុចភូមិអូរស្ងាត់ ឃុំសន្តិភាព ស្រុកសំពៅលូន ខេត្តបាត់ដំបង ដែលម្ចាស់ផ្ទះមានឈ្មោះ កៀប សុខ ភេទប្រុស អាយុ៥៨ឆ្នាំ និងប្រពន្ធឈ្មោះ វ៉ាន់ អាយុ៦១ឆ្នាំ ។

បើតាមប្រភពនៅទីនោះបានបញ្ជាក់ថា ករណីអគ្គិភ័យមួយនេះបានកើតឡើងដោយសារតែកូនបង្កើតបានដុតផ្ទះខ្លួនឯង ខណៈឪពុកម្តាយមិនបាននៅ ហើយយុវជនសង្ស័យដែលបានដុតផ្ទះខ្លួនឯងចោលនោះ គឺជាយុវជនប្រើប្រាស់គ្រឿងញៀន ដែលបច្ចុប្បន្នត្រូវបានប្រជាពលរដ្ឋចាប់ខ្លួនប្រគល់ទៅអោយសមត្ថកិច្ចហើយ ដោយឡែកផ្ទះ និងទ្រព្យសម្បត្តិ ត្រូវបានអណ្តាតភ្លើងឆេះបំផ្លាញទាំងស្រុង៕

អត្ថបទ៖ សោ និយមរ័ត្ន