សន្តិសុខសង្គម

ឃុំខ្លួន លោក ដេវិដ ឆាណាយវ៉ា បណ្ដោះអាសន្ន តាមដីកាបង្គាប់សាលាដំបូងខេត្តព្រះសីហនុ

បានផុស

៤ ខែ មុន

នៅ

ថ្ងៃសុក្រ ៥ ឧសភា ២០២៣

ដោយ

សាលាដំបូងខេត្តព្រះសីហនុ កាលពីថ្ងៃទី ៣ ខែឧសភា ឆ្នាំ ២០២៣ បានចេញដីកាបង្គាប់ឲ្យឃុំខ្លួន លោក ដេវិដ ឆាណាយវ៉ា ជាបណ្ដោះអាសន្ន នៅមន្ទីរពន្ធនាគារខេត្តព្រះសីហនុ ក្រោមការចោទប្រកាន់ចំនួន ២ បទល្មើស គឺ ញុះញង់ឲ្យប្រព្រឹត្តបទឧក្រិដ្ឋជាអាទិ៍ និងបទបរិហារកេរ្តិ៍ជាសាធារណៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដីកាបង្គាប់ឲ្យឃុំខ្លួនជនត្រូវចោទ លោក ដេវិដ ឆាណាយវ៉ា ចេញដោយ លោក ផាត់ ពៅ ចៅក្រមស៊ើបសួរ នៃសាលាដំបូងខេត្តព្រះសីហនុ កាលពីថ្ងៃទី ០៣ ខែឧសភា ឆ្នាំ ២០២៣ បានឲ្យដឹងថា នៅក្នុងដីកាបង្គាប់ឲ្យឃុំខ្លួន នៃសំណុំរឿងលេខ ៤៥២/០៣.០៥.២០២៣ លេខស៊ើបសួរ ៣៨៦ ប្រ.ក /០៣.០៥.២០២៣ លេខ៦៩៨ ដ.ប.ឃ.ខ/ឋ/២៣ ដោយ ៖

១/បានបញ្ជាឲ្យភ្នាក់ងារមានសមត្ថកិច្ច នៃកម្លាំងសាធារណៈ ធ្វើការនាំខ្លួនជនត្រូវចោទឈ្មោះ ដេវិដ ឆាណាយវ៉ា ហៅក្រៅ កូនមានវាសនា ភេទប្រុស អាយុ ៥១ ឆ្នាំ(កើតថ្ងៃទី ០២ ខែកុម្ភៈ ឆ្នាំ ១៩៧២) ជនជាតិខ្មែរ (ដែលមានសាវតារជាតិដូចខាងលើ) ទៅឃុំខ្លួននៅពន្ធនាគារខេត្តព្រះសីហនុ ដោយអនុវត្តឲ្យបានត្រឹមត្រូវតាមនីតិវិធីច្បាប់។

២/បង្គាប់ឲ្យប្រធានពន្ធនាគារខេត្តព្រះសីហនុ ទទួលយកជននេះ និងឃុំខ្លួនជននេះរហូតដល់មានបញ្ជាថ្មីសម្រេចផ្សេងពីនេះ។

៣/បង្គាប់ឲ្យគ្រប់ភ្នាក់ងារ នៃកម្លាំងសាធារណៈទាំងអស់ នៅពេលត្រូវបានបង្ហាញដីកានេះ ត្រូវសហការអនុវត្តឲ្យបានល្អនៅក្នុងករណីចាំបាច់។

សូមបញ្ជាក់ថា លោក ដេវិដ ឆាណាយវ៉ា ត្រូវបានធនាគារកាណាឌីយ៉ា ប្ដឹងទៅ នាយឧត្ដមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ កាលពីថ្ងៃទី ១១ ខែមេសា ឆ្នាំ ២០២៣ ពាក់ព័ន្ធនឹងបញ្ហាដីធ្លី នៅភូមិចំណោតរាម ឃុំបិតត្រាំង ស្រុកព្រៃនប់ ខេត្តព្រះសីហនុ៕

អត្ថបទ ៖ ស៊ុយ ចាន់ធា