Connect with us

សន្តិសុខសង្គម

ចាប់​បញ្ជូន​វៀតណាម​ប្រុស​ស្រី​៦ នាក់​ទៅ​តុលាការ​ពាក់​ពន្ធ​ករណី​​បង្ខាំង ធ្វើ​ទារុណកម្ម និង​ជំរិត​ទារប្រាក់​

បានផុស

នៅ

ភ្នំពេញ ៖ នគរបាល​ការិយាល័យ​ព្រហ្មទណ្ឌ​កម្រិត​ស្រាល​នៃ​នាយកដ្ឋាន​ព្រហ្មទណ្ឌ​ក្រសួងមហាផ្ទៃ កាលពី​ថ្ងៃទី​១៥ ​ខែឧសភា ឆ្នាំ​២០២៣ បាន​ចាប់ខ្លួន​ជនជាតិ​វៀតណាម​ប្រុស​ស្រី​ចំនួន​៦ នាក់​បញ្ជូនទៅ​សាលាដំបូង​រាជធានី​ភ្នំពេញ ពាក់ព័ន្ធ​ករណីបង្ខាំង ធ្វើ​ទារុណកម្ម និង​ជំរិត​ទារ​ប្រាក់​ពី​ជនរងគ្រោះ ជា​ជនជាតិ​វៀតណាម​ដូចគ្នា ។ ជនសង្ស័យ​៦ នាក់​មាន ៖

១.​ឈ្មោះ LE MING HAU ភេទ​ប្រុស អាយុ​២៦ ឆ្នាំ​

២.​ឈ្មោះ TRAN VAN CONG ភេទ​ប្រុស អាយុ​៤១ ឆ្នាំ​

៣.​ឈ្មោះ NGUYEN VAN SANG ភេទ​ប្រុស អាយុ​៤៣ ឆ្នាំ​

៤.​ឈ្មោះ DO LUONG TRUNG ភេទ​ប្រុស អាយុ​២៥ ឆ្នាំ

៥.​ឈ្មោះ NGUYEN VAN DUNG ភេទ​ប្រុស អាយុ​៤០ ឆ្នាំ​

៦.​ឈ្មោះ THANH THUY ភេទ​ស្រី អាយុ​៤១ ឆ្នាំ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម​ត្ថ​កិច្ច​បង្ហើប​ឲ្យ​ដឹង​ថា ការ​ចាប់ខ្លួន​ជនសង្ស័យ​ជា​ក្រុម​ចាប់ជំរិត​ខាងលើ គឺធ្វើឡើង​តាម​ពាក្យបណ្តឹង​របស់​ជនរ​ង​គ្រោះ​ឈ្មោះ TRUONG VANCAN ភេទ​ប្រុស ជា​ជនជាតិ​វៀតណាម​ដូចគ្នា បាន​ប្តឹង​ចោទប្រកាន់​ជនសង្ស័យ​ទាំង​៦ នាក់​ពីបទ​.​បង្ខាំង ធ្វើ​ទារុណកម្ម និង​ជំរិត​ទារប្រាក់ កាលពី​ថ្ងៃទី​៨ ខែឧសភា ឆ្នាំ​២០ ២៣ ប្រព្រឹត្ត​នៅ​រាជធានី​ភ្នំពេញ។

ក្រោយពី​ទទួលបាន​ពាក្យបណ្តឹង​នាយកដ្ឋាន​នគរបាល​ព្រហ្មទណ្ឌ បាន​ដឹកនាំ​កម្លាំង​បើក​ការស៊ើបអង្កេត និង​ស្រាវជ្រាវ រយៈពេល ២​ថ្ងៃ​ក្រោយមក ទើប​ឈានដល់​កា​ចាប់ខ្លួន​ជនសង្ស័យ​ទាំង​៦ នាក់​នោះ។ បន្ទាប់ពី​ចាប់ខ្លួន​យោងតាម​ពាក្យបណ្តឹង និង​ចម្លើយ​ជនសង្ស័យ​ទាំងអស់ ស៊ីសង្វាក់​ពាក់ព័ន្ធ​ទៅ​នឹង​បទល្មើស សម​ត្ថ​កិច្ច​បាន​កសាង​សំណុំរឿង​បញ្ជូន​ជនសង្ស័យ​ទៅ​សាលាដំបូង​រាជធានី​ភ្នំពេញ តាម​នីតិវិធី។

មកដល់​រសៀល​ថ្ងៃ​ទី​១៥ ខែឧសភា នេះ ដំណើរការ​សាកសួរ​បា​ន​ឆ្លងកាត់​ពី​ស្ថាប័ន​អយ្យកា​រហើយ ហើយ​សំណុំរឿង​បាន​បន្ត​ដល់ដៃ​ខាង​ចៅក្រម​ស៊ើបសួរ តែ​មិនទាន់​សម្រេច​យ៉ាង​នៅ​ឡើង​ទេ ។ សមត្ថកិច្ច​បន្ត​ថា ​បើ​ទោះបី​ជា​យ៉ាង​ណា​ក្តី​សំណុំរឿង​ព្រហ្មទណ្ឌ​ឧក្រិដ្ឋ​មួយ​នេះ ជនសង្ស័យ​មិន​អាច​គេច​ផុត ពី​ការ​ឃុំខ្លួន​ដាក់​ពន្ធនាគារ​ជា​បណ្តោះអាសន្ន៕

ដោយ ៖ មករា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម