សន្តិសុខសង្គម

ខឹងប្ដីមានស្រី ទាញកាំភ្លើងបាញ់ក្បាលខ្លួនឯងមួយគ្រាប់ស្លាប់ភ្លាមៗ

បានផុស

១ year មុន

នៅ

ថ្ងៃចន្ទ ២៩ ឧសភា ២០២៣

ដោយ

ស្ត្រីម្នាក់ បានទាញកាំភ្លើងរបស់ប្ដីបាញ់ក្បាលខ្លួនឯងមួយគ្រាប់ បណ្ដាលឲ្យស្លាប់ភ្លាមៗ ដោយសារតែកើតភ្លើងប្រច័ណ្ឌប្ដីមានស្រី មិនគិតគូរប្រពន្ធកូន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបង្កការភ្ញាក់ផ្អើលកាលពីវេលាម៉ោង ៦ និង ៣០ នាទីព្រឹក ថ្ងៃទី ២៩ ខែឧសភា ឆ្នាំ ២០២៣ ស្ថិតនៅចំណុចផ្ទះលេខ ១១ ផ្លូវបេតុង ភូមិក្រាំងដូនទៃ សង្កាត់ចោមចៅទី ២ ខណ្ឌពោធិ៍សែនជ័យ។

ជនរងគ្រោះឈ្មោះ ឡុង ចាន់នី ភេទស្រី អាយុ ៤០ ឆ្នាំ មុខរបរមេផ្ទះ។ ចំណែកប្ដីជនរងគ្រោះឈ្មោះ យ៉ែម ប៊ុនធឿន អាយុ ៤៦ ឆ្នាំ មុខរបរមន្ត្រីនគរបាលព្រហ្មទណ្ឌ នៅក្រសួងមហាផ្ទៃ ឋានន្តរសក្ដិ វរសេនីយ៍ទោ។

តាមប្រភពព័ត៌មានពីកូនស្រីបង្កើតឈ្មោះ អេង ស្រីពីន ភេទស្រី អាយុ ២០ ឆ្នាំ បានឲ្យដឹងថា កាលពីថ្ងៃទី ២៨ ខែឧសភា ឆ្នាំ ២០២៣ ម្ដាយរបស់គាត់បានមកពីពិធីបុណ្យជាមួយនឹងឪពុករបស់ខ្លួន។ បន្ទាប់មក ម្ដាយបាននិយាយថា ឲ្យនាងជួយមើលថែប្អូនៗ ផង ប៉ុន្តែនាងមិនចាប់អារម្មណ៍ ក៏នាំគ្នាឡើងសម្រាករៀងៗខ្លួនអស់ទៅ។ លុះដល់ព្រឹកឡើង នៅម៉ោងកើតហេតុ ស្រាប់តែឮសំឡេងដូចរន្ទះបាញ់ ហើយឪពុករបស់នាង បានស្រែកថា «ម៉ាក់បាញ់ខ្លួនឯងស្លាប់បាត់ហើយកូន»។ ក្នុងនោះ នាងឃើញឪពុកយកកាំភ្លើងដកគ្រាប់ចេញ។

ប្រភពដដែលបានបន្តថា កន្លងមកជនរងគ្រោះតែងតែប៉ុនប៉ងសម្លាប់ខ្លួនឯងជាច្រើនដង តែមិនបានសម្រេច ដោយប្តីឃើញទាន់ ជួនកាលអ្នកជួលបន្ទប់ជួលជួយទាន់(ចង.ក សម្លាប់ខ្លួន)។

ប្រភពបន្ថែមថា ចំពោះមូលហេតុដោយសារតែប្រពន្ធប្រច័ណ្ឌប្ដីមានស្រី។ ក្រោយកើតហេតុ សមត្ថកិច្ចមូលដ្ឋាន បានចុះទៅដល់ចំណុចកើតហេតុហ៊ុមព័ទ្ធធ្វើកោសល្យវិច័យជាក់ស្ដែង៕

អត្ថបទ ៖ សុខា