កងរាជអាវុធហត្ថហៅម្ចាស់គណនីហ្វេសប៊ុក Justice Lover ផ្ដល់ចម្លើយរឿងថាស្រុកខ្មែរអសុវត្ថិភាព

នៅថ្ងៃទី ១៧ ខែកក្កដា ឆ្នាំ២០២៣ កងរាជអាវុធហត្ថ បានឃើញការផ្សព្វផ្សាយព័ត៌មានតាមគណនីហ្វេសប៊ុកឈ្មោះ “Justice Lover…” ដែលសរសេរថា “ស្រុកខ្មែរឥឡូវកាន់តែសាហាវទៅៗ សូមបងប្អូនប្រុងប្រយ័ត្ន ឯណាទៅភូមិឃុំមានសុវត្ថិភាព?

លោកឧត្តមសេនីយ៍ត្រី អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេស បានឱ្យដឹងថា លោកបានពិនិត្យរូបភាព និងស្តាប់ការអធិប្បាយក្នុងឃ្លីបវីដេអូរួចហើយ ខណៈកងរាជអាវុធហត្ថកំពុងធ្វើការស៊ើបអង្កេត ស្រាវជ្រាវរកឱ្យឃើញការពិតអំពីករណីនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យកងរាជអាវុធហត្ថលើផ្ទៃប្រទេសក៏បានអញ្ជើញបុគ្គលដែលជាម្ចាស់គណនីហ្វេសប៊ុកឈ្មោះ “Justice Lover…” មកផ្តល់ចម្លើយនៅបញ្ជាការដ្ឋានកងរាជអាវុធហត្ថរាជធានីភ្នំពេញ។

អ្នកនាំពាក្យកងរាជអាវុធហត្ថលើផ្ទៃប្រទេសបញ្ជាក់ថា ចំពោះយានយន្តដែលបំពាក់សារ៉ែនរបស់កងរាជអាវុធហត្ថ គឺបានកំណត់ពណ៌ឯកភាពតែមួយទូទាំងប្រទេសដូចបង្ហាញជូនខាងក្រោមនេះ ហើយថារថយន្តដែលផ្សព្វផ្សាយក្នុងឃ្លីបវីដេអូនោះ មិនមែនជារថយន្តរបស់កងរាជអាវុធហត្ថនោះទេ៕