នាយឧត្ដមសេនិយ៍ ម៉ក់ ជីតូ ប្រកាសតាមចាប់ជនល្មើស ហើយឆបោកជា ជំនួយការ កូនធម៌

នៅមុននេះ នាយឧត្ដមសេនិយ៍ ម៉ក់ ជីតូ អគ្គស្នងការរងនគរបាលជាតិ បានសេចក្ដីប្រកាស បដិសេធ និងសំណូមពរសមត្ថកិច្ចអនុវត្តច្បាប់ ចំពោះជនទុច្ចរិត ឆបោកថាជា ជំនួយការ កូនធម៌របស់លោក ហើយដើរប្រព្រឹត្តបទល្មើស។

នាយឧត្ដមសេនិយ៍ ម៉ក់ បញ្ជាក់ជូនសាធារណជនមេត្តាជ្រាបថា៖ “កន្លងមកនេះ មានជនទុច្ចរិតមួយចំនួន បានយកឈ្មោះ ជាជំនួយការ ជាកូនធម៌ របស់ខ្ញុំបាទ ដើរប្រព្រឹត្តអំពើល្មើសច្បាប់ បង្កឱ្យប៉ះពាល់យ៉ាងធ្ងន់ធ្ងរដល់កិត្តិយស របស់ខ្ញុំបាទផ្ទាល់ ក៏ដូចជាកិត្តិយសរបស់អគ្គស្នងការដ្ឋាននគរបាលជាតិ”។

នាយឧត្ដមសេនិយ៍ ម៉ក់ សូមប្រកាសបដិសេធ និងសំណូមពរដល់ សមត្ថកិច្ច អាជ្ញាធរដែនដី គ្រប់ជាន់ថ្នាក់ មេត្តាពិនិត្យ និងអនុវត្តតាមច្បាប់ រាល់បទល្មើសរបស់ជនទាំងនោះ។

នាយឧត្ដមសេនិយ៍ ម៉ក់ បានត្រៀមខ្លួនជាស្រេច ដោយក្ដីរីករាយ ដើម្បីទទួលកិច្ចសហការផ្ដល់ព័ត៌មាន ពីសាធារណជនគ្រប់មជ្ឈដ្ឋាន ពាក់ព័ន្ធករណីខាងលើនេះ តាមទូរស័ព្ទមានលេខ 012 935937 និង 097 8935937 ៕