សន្តិសុខសង្គម

សង្ស័យភ្លើងប្រចណ្ឌ បុរសជាប្ដីចាក់ប្រពន្ធខ្លួនឯងបណ្ដាលឲ្យស្លាប់ ពេលបញ្ជូនដល់មន្ទីរពេទ្យ

បានផុស

២ years មុន

នៅ

ថ្ងៃព្រហស្បតិ៍ ១៧ សីហា ២០២៣

ដោយ

បុរសជាប្ដី បានយកកាំបិតចុងស្រួច ចាក់ប្រពន្ធខ្លួនឯងបណ្ដាលឲ្យរងរបួសធ្ងន់ធ្ងរ និងបានស្លាប់ពេលបញ្ជូនដល់មន្ទីរពេទ្យ ដោយការសន្និដ្ឋានជំហានដំបូងមកពីភ្លើងប្រចណ្ឌ។ ករណីកើតឡើងនៅភូមិព្រែកតាគង់ ៣ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពព័ត៌មានពីប្រជាពលរដ្ឋ បានឲ្យដឹងថា ហេតុការណ៍នេះ បានកើតឡើងនៅវេលាម៉ោងប្រមាណ ១១យប់ ថ្ងៃទី ១៦ ខែសីហា ឆ្នាំ ២០២៣ ខណៈពេលដែលប្ដីបានចាក់ប្រពន្ធបណ្ដាលឲ្យរងរបួសធ្ងន់ធ្ងរ រួចជនបង្កក៏នាំយកកូនប្រុសម្នាក់ អាយុ ៦ឆ្នាំទៅជាមួយ និងបានគេចខ្លួនបាត់ស្រមោល។

រីឯស្ត្រីរងគ្រោះ ត្រូវបានប្រជាពលរដ្ឋរស់នៅជិតខាង ដឹកយកទៅសង្គ្រោះនៅមន្ទីរពហុព្យាបាល មេឌ ១១៥ ជាប់ផ្លូវជាតិ លេខ ២ ក្នុងសង្កាត់ចាក់អង្រែលើ ខណ្ឌមានជ័យ រាជធានីភ្នំពេញទាំងយប់ តែអកុសលស្ត្រីរូបនោះ បានស្លាប់បាត់ទៅហើយ។

ជនដៃដល់ និងស្ត្រីរងគ្រោះ ជាជនជាតិវៀតណាមដូចគ្នា និងមានកូនប្រុស-ស្រី ២នាក់ រស់នៅទីតាំងកើតហេតុខាងលើ ។ ក្រោយទទួលបានព័ត៌មាននេះ សមត្ថកិច្ចជំនាញបានចុះមកពិនិត្យ និងធ្វើកោសល្យវិច័យសពស្ត្រីរងគ្រោះដល់មន្ទីរពេទ្យ និងធ្វើការស្រាវជ្រាវរកជនដៃដល់ដែលជាប្ដី យកមកផ្ដន្ទាទោសតាមច្បាប់៕

អត្ថបទ៖ សុខា