សន្តិសុខសង្គម
អភិបាលខេត្តកែប ដាក់បទបញ្ជាឱ្យអាជ្ញាធរស្រុកដំណាក់ចង្អើរ វាយកម្ទេចរបងថ្ម សាងសង់រំលោភចូលដីចំណីឆ្នេរសមុទ្រអង្កោល
កែប ៖ នារសៀលថ្ងៃទី១៥ ខែកញ្ញា ឆ្នាំ២០២៣នេះ ក្រោមការចង្អុលបង្ហាញដោយផ្ទាល់ពី លោក សោម ពិសិដ្ឋ អភិបាលខេត្តកែបនិងជាប្រធានគណៈបញ្ជាការឯកភាពខេត្ត បានដាក់បទបញ្ជាឲ្យ លោក ឆាង ឆៃ អភិបាលស្រុកដំណាក់ចង្អើរដឹកនាំកងកម្លាំង មន្ត្រីជំនាញនិងអាជ្ញាធរមូលដ្ឋានចុះរុះរើនិងវាយកម្ទេចរបងថ្មដែលសង់រំលោភចូលដីចំណីឆ្នេរសមុទ្រអង្កោលចោលវិញ ដែលស្ថិតនៅក្នុងភូមិអង្កោល ឃុំអង្កោល ស្រុកដំណាក់ចង្អើរខេត្តកែប បន្ទាប់ពីបានទទួលបណ្តាញព័ត៌មានក្នុងស្រុកបានផ្សព្វផ្សាយរយៈពេលប៉ុន្មានថ្ងៃកន្លងមកនេះ។
លោកអភិបាលខេត្តកែបបានឲ្យលោក ឆាង ឆៃ អភិបាលស្រុកដំណាក់ចង្អើរ បានដឹកនាំក្រុមកាងារនិងមន្ត្រីជំនាញចុះទៅត្រួតពិនិត្យដល់ទីតាំងដែលធ្វើរបងថ្មរឹងមាំរំលោភចូលដីចំណីឆ្នេរសមុទ្រអង្កោលមួយកន្លែង កាលពីថ្ងៃទី១៤ ខែកញា ឆ្នាំ២០២៣ម្សិលមិញ នៅតាមបណ្តោយឆ្នេរសមុទ្រអង្កោល ក្នុងភូមិអង្កោល ឃុំអង្កោល ស្រុកដំណាក់ចង្អើរ ខេត្តកែប។
ក្រោយលោក ឆាង ឆៃ អភិបាលស្រុក បានត្រួតពិនិត្យផ្ទាល់ ពិតជាមានករណីធ្វើរបងថ្មរំលោភចូលដីចំណីឆ្នេរសមុទ្រអង្កោលដូចសារព័ត៌មានចុះផ្សព្វផ្សាយជាបន្តបន្ទាប់មកនោះពិតប្រាកដមែន។
លោក ឆាង ឆៃ អភិបាលស្រុកក៏បានចាត់វិធានការភ្លាមៗ ហៅលោក លឹម ហ៊ត ដែលជាតំណាងឱ្យម្ចាស់ការដ្ឋានសំណងខាងលើ ចូលខ្លួនធ្វើកិច្ចសន្យារុះរើចេញវិញដោយឥតលក្ខខណ្ឌដោយខ្លួនឯងនៅរសៀលថ្ងៃទី ១៥ ខែកញានេះ នូវសំណង់របងថ្ម ដែលបានសង់រំលោភចូលដីចំណីឆ្នេរសមុទ្រអង្កោលជាសម្បត្តិរបស់រដ្ឋវិញ។
ផ្អែកតាមកិច្ចសន្យា ស្តីពីការរុះរើវាយកម្ទេចសំណង់របងថ្ម ដែលបានសាងសង់ចូលដីចំណីសមុទ្រអង្កោលចោលដោយឥតមានលក្ខខណ្ឌ សូមបញ្ជាក់ថា នៅរសៀលថ្ងៃទី១៥ ខែកញ្ញា ឆ្នាំ២០២៣នេះលោក ឆាង ឆៃ អភិបាលស្រុកដំណាក់ចង្អើរបានប្រាប់ឲ្យដឹងថា លោក លឹម ហ៊ត ជាអ្នកតំណាងឱ្យម្ចាស់សំណង់មានទីលំនៅបច្ចុប្បន្ននៅភូមិអំពែង ឃុំអង្កោល ស្រុកដំណាក់ចង្អើរ ខេត្តកែប បានតំណាងឲ្យម្ចាស់មានលេខក្បាលដី ៣០៨ ស្ថិតនៅភូមិអង្កោល ឃុំអង្កោល ស្រុកដំណាក់ចង្អើរ បានយល់ព្រមហៅកម្មករមកវាយកម្ទេចនិងរុះរើសំណង់របងថ្ម ដែលបានសង់រំលោភចូលដីចំណីឆ្នេរសមុទ្រអង្កោលដោយខ្លួនឯងអត់មានលក្ខខណ្ឌ ហើយគ្មានការតវ៉ាចាប់ពីថ្ងៃវាយកម្ទេចនេះតទៅ។
ចំពោះម្ចាស់សំណង់ ដែលជាអ្នកមានលុយ បានសាងសង់របងថ្មរំលោភច្បាប់ថែមទាំង ល្មើសច្បាប់ពិតជាបានរំលោភចូលឆ្នេរសមុទ្រអង្កោល ប្រមាណជាង ១២ ម៉ែត្រ ចូលដីចំណីឆ្នេរសមុទ្រអង្កោលពិតប្រាកដមែន។
ជាមួយគ្នានេះដែរ លោក ឆាង ឆៃ អភិបាលស្រុកដំណាក់ចង្អើរបានឲ្យដឹងថា ក្រោយពីការដាក់បទបញ្ជាពីរលោកអភិបាលខេត្តកែបបានដាក់បទបញ្ជាឲ្យអាជ្ញាធរស្រុកដំណាក់ចង្អើរដឹកនាំកងកម្លាំង និងមន្ត្រីជំនាញ តម្រូវវាយកម្ទេចនិងរុះរើសំណង់នោះចោលវិញដោយមិនមានការទាមទារសំណង ឬថ្លៃរុះរើអ្វីពីរអាជ្ញាធរនោះឡើយ៕
ដោយ ៖ សឹង រ៉ាត់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ