សន្តិសុខសង្គម

ប្រទះឃើញនារីម្នាក់ចង.កក្នុងបន្ទប់សង្សារ សង្ស័យករណីឃាតកម្ម

បានផុស

៣ years មុន

នៅ

ថ្ងៃព្រហស្បតិ៍ ៧ ធ្នូ ២០២៣

ដោយ

ភ្នំពេញ ៖ ស្ត្រីម្នាក់បានបាត់កូនស្រីអស់រយៈពេល២ថ្ងៃមកហើយ ខំដើររកគ្រប់ទីកន្លែងក៏មិនឃើញស្រាប់តែប្រទះឃើញមកចង.កនៅក្នុងបន្ទប់យុវជនម្នាក់ ដែលធ្លាប់មានទំនាក់ទំនងនិងគ្នាដោយសង្ស័យជាករណីឃាតកម្ម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះ បង្កការភ្ញាក់ផ្អើលកាលពីវេលាម៉ោង១១ព្រឹក ថ្ងៃទី៧ ខែធ្នូ ឆ្នាំ២០២៣ នៅភូមិត្រពាំងថ្លឹង ២ សង្កាត់ចោមចៅទី១ ខណ្ឌពោធិ៍សែនជ័យ។

ជនរងគ្រោះមានឈ្មោះ ស៊ីមរា ធី ភេទស្រី អាយុ១៩ឆ្នាំ មុខរបរកម្មការិនីរោងចក្រ ស្នាក់ភូមិជិតកន្លែងកើតហេតុ មានស្រុកកំណើត ភូមិសំបួរ ឃុំព្រៃគុយស្រុកកំពង់ស្វាយ ខេត្តកំពង់ធំ។

តាមប្រភពព័ត៌មានបានឱ្យដឹងថា ជនរងគ្រោះបានបាត់ចេញពីផ្ទះអស់រយៈពេល២ថ្ងៃមកហើយពោលគឺថ្ងៃទី៥ ខែធ្នូ ឆ្នាំ២០២៣ ម្តាយខលចូលតែគ្មានអ្នកលើក និងខំរកគ្រប់ទីកន្លែងក៏មិនឃើញរហូតមកដល់ថ្ងៃកើតហេតុ ដោយសារតែមានយុវជនម្នាក់ធ្លាប់ទាក់ទងជាមួយកូនស្រីរបស់គាត់ទើបមកមើលដល់បន្ទប់ជួល តែចាក់សោទ្វារខាងក្រៅ ដោយមានធុំក្លិនស្អុយ ក៏អើតមើលតាមចន្លុះទ្វារ ស្រាប់តែឃើញកូនស្រីគាត់ចង.កសម្លាប់ខ្លួន។

បន្ទាប់មកក៏រាយការណ៍សមត្ថកិច្ចមូលដ្ឋានចុះមកពិនិត្យជាក់ស្តែង បច្ចុប្បន្នរង់ចាំសមត្ថកិច្ចជំនាញមកកោសល្យវិច័យ តែជំហ៊ានដំបូងសង្ស័យជាករណីឃាតកម្ម៕

ដោយ ៖ សុខា