Connect with us

សន្តិសុខសង្គម

កងរាជអាវុធហត្ថខេត្តកំពង់ចាម ឃាត់ខ្លួនជនសង្ស័យបាន២នាក់ហេីយករណីដេញកាប់គ្នាដាច់ដៃ

បានផុស

នៅ

កម្លាំងកងរាជអាវុធហត្ថខេត្តកំពង់ចាម បានស្រាវជ្រាវ និងឃាត់ខ្លួនជនសង្ស័យបាន២នាក់ ក្រោយធ្វើសកម្មភាពដេញកាប់គ្នាទៅវិញទៅមកដាច់ដៃ ផ្អើលប្រជាពលរដ្ឋទាំងកណ្តាលយប់នៅក្រុងកំពង់ចាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្លាំងមូលដ្ឋានកងរាជអាវុធហត្ថក្រុងកំពង់ចាម សហការជាមួយកម្លាំងជំនាញកងរាជអាវុធហត្ថខេត្តកំពង់ចាម ដឹកនាំដោយលោកវរសេនីយ៍ទោ សែម ឃាង ប្រធានមន្ទីរស្រាវជ្រាវ និងបង្រ្កាបបទល្មើស បានធ្វើការស្រាវជ្រាវរកមុខសញ្ញាដែលប្រព្រឹត្តិសកម្មភាពខាងលើ ។ លោកវរសេនីយ៍ទោ សែម ឃាង បានបញ្ជាក់ឲ្យដឹងថា នៅម៉ោង១០ ថ្ងៃទី៧ ខែកុម្ភៈ ឆ្នាំ២០២៤ នៅចំណុចភូមិបឹងកុកទី១ សង្កាត់បឹងកុក ក្រុងកំពង់ចាម ខេត្តកំពង់ចាម កម្លាំងជំនាញបានធ្វើការឃាត់ខ្លួនជនសង្ស័យបានចំនួន២នាក់ ខណៈ២នាក់ទៀតបានកំណត់អត្តសញ្ញាណហើយ ក្រោយពីធ្វើការស្តាប់ចម្លើយរួច ជនសង្ស័យទាំងពីរនាក់ខាងលើបានសារភាពថា ខ្លួនពិតជាបានប្រព្រឹត្តសកម្មភាពពិតប្រាកដមែន។

បច្ចុប្បន្ន ជនសង្ស័យ និងវត្ថុតាង កម្លាំងកងរាជអាវុធហត្ថខេត្តកំពង់ចាម កំពុងកសាងសុំណុំរឿង បញ្ជូនទៅតុលាការ ដើម្បីចាត់ការតាមនីតិវិធី៕ 

អត្ថបទ៖ ឡេក ចាន់ពេជ្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម