Connect with us

សន្តិសុខសង្គម

ចាប់ខ្លួនឈ្មួញទិញលក់ដីខ្យល់ បញ្ជូនទៅតុលាការចោទពីបបទឆបោក

បានផុស

នៅ

ដោយអនុវត្តតាមដីកាបង្គាប់ឲ្យចាប់ខ្លួនរបស់ចៅក្រមស៊ើបសួរសាលាដំបូងរាជធានីភ្នំពេញ កាលពីថ្ងៃទី១៣ ខែកុម្ភៈ ឆ្នាំ២០២៤ កម្លាំងនគរបាលព្រហ្មទណ្ឌកម្រិតស្រាល បានធ្វើការនាំខ្លួនឈ្មួញរកស៊ីទិញលក់ដីម្នាក់បញ្ជូនទៅតុលាការ ដោយជាប់ពាក់ពន្ធពីបទ ឆបោក និងមិនបំពេញកាតព្វកិច្ចចំពោះឧបករណ៍អាចជួញដូរបាន ។

ជនត្រូវចោទឈ្មោះ រីម ភក្តី ភេទប្រុស អាយុ៣៧ឆ្នាំ មានទីលំនៅផ្ទះលេខ២៥៥ ផ្លូវជាតិលេខ២ ភូមិព្រែកតានូ១ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។ តាមដីកាបង្គាប់ឲ្យចាប់ខ្លួនរបស់ចៅក្រមស៊ើបសួរសាលាដំបូងរាជធានីភ្នំពេញបានបញ្ជាក់ថា ជនត្រូវចោទបានដាក់ឲ្យស្ថិតក្រោមការពិនិត្យពីបទ ឆបោក និងមិនបំពេញកាតព្វកិច្ចចំពោះឧបករណ៍អាចជួញដូរបាន ប្រព្រឹត្តនៅរាជធានីភ្នំពេញ កាលពីឆ្នាំ២០១៩ រហូតដល់ឆ្នាំ២០២០ តាមមាត្រា៣៧៧ មាត្រា៣៧៨ នៃក្រមព្រហ្មទណ្ឌ និងមាត្រា២៣១ នៃច្បាប់ស្តីពីឧបករណ៍អាចជួញដូរបាន និងប្រតិបត្តការទូទាត់សាច់ប្រាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនត្រូវចោទឈ្មោះ រីម ភក្តី ត្រូវបានចោទប្រកាន់ពីបទល្មើសព្រហ្មទណ្ឌ ដែលត្រូវផ្តន្ទាទោសដាក់ពន្ធនាគារ ហើយចៅក្រមស៊ើបសួរបានបង្គាប់ឲ្យចូលខ្លួន តែជនត្រូវចោទមិនបានចូលឆ្លើយ ដោះសារចំពោះការចោទប្រកាន់នោះទេ ថែមទាំងគេចខ្លួនបាត់។

យោងទៅលើតំណាងអយ្យការបានឯកភាពឲ្យចេញដីកាបង្កាប់ឲ្យចាប់ខ្លួនជនត្រូវចោទឈ្មោះ រីម ភក្តី ដូច្នោះដើម្បីធានាសណ្តាប់ធ្នាប់សាធារណៈ ចៅក្រមស៊ើបសួរគប្បីចេញដីកាបង្គាប់ឲ្យសមត្តកិច្ចចាប់ខ្លួនឈ្មួញរកស៊ីទិញលក់ដីខ្យល់រូបនេះ យកមកដាក់ពន្ធនាគារដើម្បីអនុវត្តទោសទៅតាមផ្លូវច្បាប់៕

អត្ថបទ៖ មករា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម