ឆេះផ្ទះលក់អីវ៉ាន់មួយកន្លែង នៅផ្សារតាខ្មៅថ្មី

អគ្គីភ័យបានឆាបឆេះផ្ទះមួយកន្លែងបង្កឲ្យមានការភ្ញាក់ កាលពីវេលាម៉ោង៤:១០នាទី ថ្ងៃទី១៤ ខែមេសា ឆ្នាំ២០២៤ ស្ថិតនៅផ្សារតាខ្មៅថ្មី ក្នុងភូមិដេីមមៀន១ សង្កាត់ដេីមមៀន ក្រុងតាខ្មៅ ខេត្តកណ្តាល។

ម្ចាស់ទីតាំងមានឈ្មោះសុទ្ធ ធីតា ភេទស្រី អាយុ៣៣ឆ្នាំ មានទីលំនៅភូមិកើតហេតុ មុខរបរលក់ដូរ ក្នុងនោះសម្ភារៈខូចខាតរួមមាន ផ្ទះល្វែងទំហំ ៤m x ១៦m ធ្វេីពីថ្មលក់អីវ៉ាន់ចាបហ៊ួយ និងគ្រឿងទេសមួយចំនួន ហើយដើមហេតុដែលបង្កឲ្យមានអគ្គិភ័យនេះឡើង គឺបណ្ដាលមកពីការឆ្លងចរន្តអគ្គិសនីកាមេរ៉ាសុវត្ថិភាព។ ក្នុងការពន្លត់អគ្គិភ័យនេះផងដែរ កងកម្លាំងអន្តរាគមន៍សង្រ្គោះរថយន្តអគ្គិភ័យរបស់ស្នងការដ្ឋានខេត្តកណ្តាលអស់១គ្រឿង។

ក្រោមការចូលរួមពីកម្លាំងអធិការដ្ឋាននគរបាលក្រុងតាខ្មៅ សហការជាមួយកម្លាំងប៉ុស្តិ៍នគរបាលរដ្ឋបាលដេីមមៀន និងប្រជាពលរដ្ឋប្រជាការពារ បានពន្លត់អគ្គិឡ័យរលត់ជាស្ថាពរនៅវេលានៅម៉ោង១៦និង៣០នានី៕