សន្តិសុខសង្គម
ផ្ដន្ទាទោសស្ត្រីហាយសូ២នាក់ដាក់ពន្ធនាគារក្នុងសំណុំរឿងឆបោកប្រាក់
ស្ត្រីអ្នកជំនួញហាយសូ២នាក់ ក្នុងនោះមានម្នាក់ជាគ្រូជោគជ័យផង ត្រូវបានចៅក្រមសាលាដំបូងរាជធានីភ្នំពេញប្រកាសសាលក្រមសម្រេចផ្ដន្ទាទោសដាក់ពន្ធនាគារ និងបង្គាប់អោយសងសំណងដល់ដើមបណ្ដឹងរដ្ឋប្បវេណីវិញរៀងៗខ្លួន។
ជនជាប់ចោទទី១ឈ្មោះ ឡុង នី ភេទស្រី អាយុ៣៧ឆ្នាំ ជាមេតុងទីនអនឡាញដ៏ល្បីល្បាញ ត្រូវបានលោកចៅក្រម កី ម៉ាណេរ៉ា ប្រកាសសាលក្រមសម្រេចផ្ដន្ទាទោសដាក់ពន្ធនាគារកំណត់១ឆ្នាំ៦ខែ ក្រោមការចោទប្រកាន់ពីបទឆបោក និងបទ មិនបំពេញកតព្វកិច្ចចំពោះឧបករណ៍ដែលអាចជួញដូរបាន និងបង្គាប់អោយសងសំណងដល់ដើមបណ្ដឹងវិញជាប្រាក់ចំនួន១មុឺនដុល្លារ ។
សូមបញ្ជាក់ថា ស្ត្រីឈ្មោះ ឡុង នី មានសំណុំរឿងឆបោករហូតដល់ជាង១០ករណី ដែលតុលាការបានចាត់ការ និងផ្ដន្ទាទោសជាបន្តបន្ទាប់កន្លងមកនេះទៅតាមពាក្យបណ្ដឹងរបស់ជនរងគ្រោះ។ ចំណែកជនជាប់ចោទទី២ឈ្មោះ ជា សុផល្លា ភេទស្រី អាយុ៤២ឆ្នាំ ជាពាណិជ្ជករ និងជាគ្រូជោគជ័យដ៏ល្បីមួយរូបដែរ ត្រូវបានចៅក្រមប្រកាសសាលក្រមផ្ដន្ទាទោសដល់ទៅ២សំណុំរឿងក្នុងពេលទី១ ។ ក្នុងនោះសំណុំរឿងទី១ តុលាការសម្រេចផ្ដន្ទាទោសដាក់ពន្ធនាគារ១ឆ្នាំ៦ខែ និងបង្គាប់អោយសងសំណងដល់ដើមបណ្ដឹងចំនួន៨មុឺនដុល្លារ និងជំងឺចិត្ត១មុឺនដុល្លារ ក្រោមការចោទប្រកាន់ពីបទ ឆបោក និងបទមិនបំពេញកតព្វកិច្ចចំពោះឧបករណ៍ដែលអាចជួញដូរបាន។ ចំណែកសំណុំរឿងទី២ តុលាការសម្រេចផ្ដន្ទាទោសដាក់ពន្ធនាគារឈ្មោះ ជា សុផល្លា កំណត់១ឆ្នាំ៦ខែ និងបង្គាប់អោយសងសំណងដល់ដើមបណ្ដឹងជាប្រាក់ចំនួន៥២មុឺនដុល្លារ និងសំណងជំងឺចិត្តចំនួន៥មុឺនដុល្លារ ក្រោមការចោទប្រកាន់ពីបទ ឆបោក និងបទមិនបំពេញកតព្វកិច្ចចំពោះឧបករណ៍ដែលអាចជួញដូរបាន ។
សូមរំលឹកថា គ្រូជោគជ័យឈ្មោះ ជា សុផល្លា ត្រូវបានសមត្ថកិច្ចនគរបាលព្រហ្មទណ្ឌក្រសួងមហាផ្ទៃចាប់ខ្លួនកាលពីថ្ងៃទី១៩ ខែមករា ឆ្នាំ២០២៣ នៅក្នុងសំណុំរឿងឆបោកប្រាក់២០មុឺនដុល្លារ ក្រោមរូបភាពលក់ដីខ្យល់ប្រើឯកសារក្លែងក្លាយ។ ជនជាប់ចោទរូបនេះក៏មានសំណុំរឿងឆបោកជាច្រើនដែលតុលាការកំពុងចាត់ការជាបន្តបន្ទាប់៕
អត្ថបទ៖ មករា
-
ជីវិតកម្សាន្ដ២ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៥ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ២ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ៦ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ២ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៧ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៦ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល