សន្តិសុខសង្គម

ស្ពានបាឡេឆ្លងកាត់រវាងឃុំអារក្សត្នោត ទៅឃុំទួលសំបួរ នៃស្រុកស្ទឹងត្រង់ ត្រូវបានទឹកជំនន់ទឹកភ្លៀងហូរច្រោះបាក់ស្រុតហើយ

បានផុស

២ years មុន

នៅ

ថ្ងៃអង្គារ ៦ សីហា ២០២៤

ដោយ

អាជ្ញាធរខេត្តកំពង់ចាម បានចេញសេចក្តីជូនដំណឹងដល់បងប្អូនប្រជាពលរដ្ឋ ដែលធ្វើដំណើរឆ្លងកាត់ស្ពានបាឡេ ក្នុងឃុំទួលសំបួរនេះ គឺមិនអាចធ្វើដំណើរឆ្លងកាត់បានទេ ដោយត្រូវបញ្ចៀសការធ្វើចរាចរណ៍តាមផ្លូវផ្សេងជំនួសវិញ។

តាមការបញ្ជាក់ពីអាជ្ញាធរមូលដ្ឋានបានឲ្យដឹងថា ហេតុការណ៍បាក់ស្រុតស្ពានបាឡេនេះ កើតឡើងតាំងនៅរសៀលថ្ងៃទី៥ ខែសីហា ឆ្នាំ២០២៤នេះ បង្កឡើងដោយសារទឹកជំនន់ទឹកភ្លៀងហូរច្រោះបាក់ស្រុត។

ស្ពានបាឡេ ដែលតភ្ជាប់ពីឃុំអារក្សត្នោត ទៅឃុំទួលសំបួរ នៃស្រុកស្ទឹងត្រង់នេះ បច្ចុប្បន្ន អាជ្ញាធរស្រុក បានផ្អាកចរាចរណ៍ហើយ មិនអាចធ្វើដំណើរឆ្លងកាត់បានឡើយ ដោយផ្សព្វផ្សាយ ឲ្យបងប្អូនប្រជាពលរដ្ឋ បញ្ចៀសការធ្វើចរាចរណ៍តាមផ្លូវផ្សេងវិញ៕

អត្ថបទ៖ឡេក ចាន់ពេជ្រ