សន្តិសុខសង្គម

កម្លាំងជំនាញព្រហ្មទណ្ឌខណ្ឌសែនសុខ ស្រាវជ្រាវឃាត់ខ្លួនចោរលួចម៉ូតូ ៣ នាក់ មកសម្ងំលាក់ខ្លួននៅខណ្ឌមានជ័យ

បានផុស

២ years មុន

នៅ

ថ្ងៃពុធ ២១ សីហា ២០២៤

ដោយ

ជនសង្ស័យមួយក្រុម ដែលធ្វើសកម្មភាពឆ្កឹះសោទ្វារផ្ទះប្រជាពលរដ្ឋលួចយកម៉ូតូ ២ គ្រឿង ត្រូវបានកម្លាំងជំនាញព្រហ្មទណ្ឌខណ្ឌសែនសុខស្រាវជ្រាវឃាត់ខ្លួនបាន ៣ នាក់។

កាលពីថ្ងៃទី ១៩ ខែសីហា ឆ្នាំ ២០២៤ ដោយទទួលបានបទបញ្ជាពី លោកឧត្ដមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ និងក្រោមការដឹកនាំបញ្ជាផ្ទាល់ពីលោកវរសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខ កម្លាំងផ្នែកជំនាញព្រហ្មទណ្ឌខណ្ឌ បានសហការជាមួយការិយាល័យនគរបាលព្រហ្មទណ្ឌកម្រិតធ្ងន់ នៃស្នងការដ្ឋាននគរបាលរាជធានីភ្នំពេញ និងអធិការដ្ឋាននគរបាលខណ្ឌមានជ័យ ធ្វើការស្រាវជ្រាវបង្ក្រាបករណីលួចមានស្ថានទម្ងន់ទោស(ឆ្កឹះសោទ្វារផ្ទះ) យកម៉ូតូចំនួន ០២ គ្រឿង នៅត្រង់ចំណុចផ្ទះជួលផ្លូវ ១០០៣ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ កាលពីថ្ងៃទី ១៨ ខែសីហា ឆ្នាំ ២០២៤ វេលាម៉ោង ២ និង ៣០ នាទី រំលងអធ្រាត្រ។

ជនសង្ស័យឃាត់ខ្លួនចំនួន ០៣ នាក់ រួមមាន ៖ ទី ១.ឈ្មោះ ចាន់ សុភក្តិ ហៅ វិត ភេទប្រុស អាយុ ២៥ ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅរោងអេតចាយក្នុងដីឡូត៍ទុកចោល ផ្លូវបេតុង សង្កាត់ស្ទឹងមានជ័យ ២ ខណ្ឌមានជ័យ រាជធានីភ្នំពេញ (មានសារធាតុញៀន)។ ទី ២.ឈ្មោះ ហេង សុខា ហៅ ពុង ភេទប្រុស អាយុ ២៤ ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះគ្មានលេខ ផ្លូវបេតុង សង្កាត់បឹងទំពុន ខណ្ឌមានជ័យ រាជធានីភ្នំពេញ (មានសារធាតុញៀន) និង ទី ៣.ឈ្មោះ ឈូ មុនធី ហៅ ធី ភេទប្រុស អាយុ ២៨ ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះគ្មានលេខ សង្កាត់បឹងទំពុន ខណ្ឌមានជ័យ រាជធានីភ្នំពេញ (មានសារធាតុញៀន)។