សន្តិសុខសង្គម

ជនសង្ស័យ ០២ នាក់ ចូលកាត់សោហាងមួយកន្លែង នៅសង្កាត់ទួលទំពូងទី ០១ លួចសម្ភារៈគិតជាទឹកប្រាក់ប្រហែល ៥ ពាន់ដុល្លារ

បានផុស

១១ ខែ មុន

នៅ

ថ្ងៃព្រហស្បតិ៍ ១០ កក្កដា ២០២៥

ដោយ

ជនសង្ស័យចំនួន ០២ នាក់ ធ្វើសកម្មភាពចូលលួចសម្ភារៈក្នុងហាងមួយកន្លែង នៅសង្កាត់ទួលទំពូងទី ០១ ដោយគិតជាសាច់ប្រាក់ប្រហែល ៥ ពាន់ដុល្លារ រួចរត់គេចខ្លួនបាត់ស្រមោល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីនេះបានកើតឡើងកាលពីវេលាម៉ោង ០៣ និង ២០ នាទីទៀបភ្លឺ ឈានចូលថ្ងៃទី ០៩ ខែកក្កដា ឆ្នាំ ២០២៥ នៅចំណុចហាងយីហោ Metal Rice Bowl Teppanyaki (លក់ម្ហូបបែបជប៉ុន) តាមបណ្តោយផ្លូវលេខ ១២៣ ភូមិ ០៤ សង្កាត់ទួលទំពូងទី ០១ ខណ្ឌចំការមន រាជធានីភ្នំពេញ។

ប្រភពព័ត៌មានពីតំណាងជនរងគ្រោះជាម្ចាស់ហាងជនជាតិបរទេស ប្រាប់ឲ្យដឹងថា ពេលព្រឹកឡើងគាត់បានមកកាន់ហាង ដើម្បីដំណើរការហាងលក់ដូរ។ ពេលនោះ គ្រាន់តែចុះពីលើរថយន្តសំដៅដើរមកទ្វារ ស្រាប់តែឃើញសោដែលខ្លួនបានចាក់រៀងរាល់ថ្ងៃ ដាច់ ទើបបង្កការភ្ញាក់ផ្អើលស្ទុះទៅមើលខាងក្នុងហាងបានបាត់សម្ភារៈអស់ និងសាច់ប្រាក់សុទ្ធមួយចំនួនធំ។ ខណៈនោះដែរ ជនរងគ្រោះ ក៏បើកមើលកាមេរ៉ាសុវត្ថិភាពប្រទះឃើញជនសង្ស័យ ០២ នាក់ បានធ្វើសកម្មភាពកាត់សោចូលលួចក្នុងហាង និងលួចយកសម្ភារៈយ៉ាងអនាធិបតេយ្យតែម្ដង។

ប្រភពដដែលបន្តថា ចំពោះសម្ភារៈដែលបាត់បង់រួមមាន ៖ កុំព្យូទ័រ , អាយផេត , ទូរស័ព្ទម៉ាក Iphone , ម៉ាស៊ីនគិតលុយ , ស្រា និង សាច់ប្រាក់មួយចំនួន ដោយគិតជាទឹកប្រាក់សរុបអស់ប្រហែល ៥ ពាន់ដុល្លារ។ បន្ទាប់ពីធ្វើសកម្មភាពលួចរួចរាល់ ជនសង្ស័យទាំង ០២ នាក់ បានរត់គេចខ្លួនដោយសុវត្ថិភាព។