សន្តិសុខសង្គម

បុរសម្នាក់ ត្រូវជនមិនស្គាល់មុខបាញ់របួសធ្ងន់ ហូរឈាមស្រោចខ្លួន នៅផ្លូវជាតិលេខ ១ សង្កាត់និរោធ

បានផុស

៧ ខែ មុន

នៅ

ថ្ងៃពុធ ៨ តុលា ២០២៥

ដោយ

បុរសម្នាក់ ត្រូវបានជនមិនស្គាល់មុខបាញ់ បណ្ដាលឲ្យរងរបួសធ្ងន់ធ្ងរ មានហូរឈាមស្រោចខ្លួន ខណៈកំពុងជិះម៉ូតូលើផ្លូវជាតិលេខ ១ គោលដៅត្រឡប់ទៅផ្ទះ។

ហេតុការណ៍នេះបានកើតឡើងកាលពីវេលាម៉ោង ៤ និង ៥០ នាទី ទៀបភ្លឺ ថ្ងៃទី ៨ ខែតុលា ឆ្នាំ ២០២៥ តាមបណ្ដោយផ្លូវជាតិលេខ ១ ក្នុងសង្កាត់និរោធ ខណ្ឌច្បារអំពៅ រាជធានីភ្នំពេញ។

តាមប្រភពព័ត៌មានពីពលរដ្ឋនៅក្បែរកន្លែងកើតហេតុ បានឲ្យដឹងថា គាត់បានឮសំឡេងកាំភ្លើង ក៏រត់មកមើល ស្រាប់តែឃើញបុរសរងគ្រោះកំពុងអង្គុយផ្អែកកង់បីឥណ្ឌា មានឈាមហូរស្រោចខ្លួននៅផ្នែកខាងក្រោយ។ ខណៈនោះ គាត់បានស្ទុះទៅជួយគ្រា និងទាក់ទងទៅកាន់ប៉ូលិសដែលគាត់ស្គាល់ ដើម្បីសុំការអន្តរាគមន៍ផងដែរ។ ភ្លាមៗ បុរសរងគ្រោះ ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យកាល់ម៉ែត។ បន្ទាប់ពីមានការរាយការណ៍ សមត្ថកិច្ច ក៏បានចុះទៅហ៊ុមព័ទ្ធខ្សែប្រតិបត្តិការ និងរើសយកគ្រាប់បន្ទុះ(គ្រាប់កាំភ្លើងខ្លី) ទៅធ្វើការស្រាវជ្រាវបន្ត។

ក្រោយកើតហេតុ សមត្ថកិច្ចជំនាញ បានយកម៉ូតូរក្សាទុកនៅប៉ុស្តិ៍នគរបាលរដ្ឋបាលនិរោធ ដើម្បីរង់ចាំក្រុមគ្រួសារមកទទួល។ ចំពោះជនបង្ក សមត្ថកិច្ចកំពុងបើកការស្រាវជ្រាវ ដើម្បីចាត់ការតាមផ្លូវច្បាប់៕

អត្ថបទ ៖ រដ្ឋា