កីឡា

ពេញចិត្តនឹងសមត្ថភាពបស់ គួន ម៉ុម ក្លិប Ha Noi បានសម្រេចបន្តកុងត្រាដល់ឆ្នាំ ២០២៦

បានផុស

៩ ខែ មុន

នៅ

ថ្ងៃចន្ទ ២០ តុលា ២០២៥

ដោយ

Kosal Sem

ក្លិបបាល់ទះ ហាណូយ (Ha Noi) របស់ វៀតណាម បានសម្រេចបន្តកិច្ចសន្យាថ្មីជាមួយស្មាត់ជម្រើសជាតិ កម្ពុជា គួន ម៉ុម ដល់ឆ្នាំ ២០២៦។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសារព័ត៌មាន វៀតណាម Tap Chi Bong Chuyen+ បានឱ្យដឹងថា ក្លិបបាល់ទះ ហាណូយ បានបន្តកិច្ចសន្យាថ្មីជូនកីឡាករ គួន ម៉ុម ដល់ឆ្នាំ ២០២៦ ដើម្បីបន្តការប្រកួតក្នុងលីគបាល់ទះ វៀតណាម The Vietnam National Volleyball Championship សម្រាប់ការប្រកួតក្នុងជុំទី ១ នៅឆ្នាំ ២០២៦។ តាមរយៈការបន្តកិច្ចសន្យាថ្មីនេះ បានធ្វើឱ្យគួន ម៉ុម ក្លាយជាកីឡាករបរទេសទី ១ ដែលត្រូវបានប្រកាសសម្រាប់ការចូលរួមប្រកួតក្នុងលីគបាល់ទះ វៀតណាម នៅឆ្នាំក្រោយ។

គួរឱ្យបញ្ជាក់ ថា គួន ម៉ុម ត្រូវបានក្លិបបាល់ទះ ហាណូយ ចុះកិច្ចសន្យាយកបាននៅខែ តុលា ឆ្នាំ ២០២៥ នេះ ដើម្បីមកជួយក្រុម ក្នុងការប្រកួតក្នុងជុំទី ២ នៃលីគបាល់ទះ វៀតណាម ឆ្នាំ ២០២៥។ ស្មាត់ កម្ពុជា វ័យ ២៧ ឆ្នាំ កម្ពស់ ១.៩៨ ម៉ែត្ររូបនេះ បានបង្ហាញសមត្ថភាពល្អគួរឱ្យកត់សម្គាល់ ហើយរូបគេបានរួមចំណែកយ៉ាងធំធេង ក្នុងការជួយស្រោចស្រង់ក្រុម ហាណូយ ឱ្យឡើងពីចំណាត់ថ្នាក់លេខ ៨ បាតតារាង មកកាន់ចំណាត់ថ្នាក់លេខ ៥ ដើម្បីបន្តលេងក្នុងលីគទី ១ វៀតណាម នៅឆ្នាំក្រោយ ២០២៦ បន្តទៀត។

កីឡាករជម្រើសជាតិកម្ពុជា គួន ម៉ុម អាចចាត់ទុកជាកីឡាករបាល់ទះកម្ពុជា ដែលទទួលបានជោគជ័យបំផុតសម្រាប់ការចេញទៅលេងនៅក្រៅប្រទេស បន្ទាប់ពីកីឡាករ វឿន វាសនា នៅលីគបាល់ទះកំពូលតៃវ៉ាន់។ គួន ម៉ុម ធ្លាប់បានចេញទៅលេងនៅប្រទេសឥណ្ឌូណេស៊ី និងប្រទេសវៀតណាមជាច្រើនលើក។ ពេលក្លិបវៀតណាមពេញចិត្តបន្តកុងត្រាឲ្យរូបគេទៀត៕