កីឡា

កីឡាករគុនខ្មែរ ឡៅ ចិត្រា សប្ដាហ៍នេះមកលេងសង្វៀនបាយ័ន ប៉ះជើងខ្លាំងអ៊ីរ៉ង់

បានផុស

៩ ខែ មុន

នៅ

ថ្ងៃពុធ ២២ តុលា ២០២៥

ដោយ

អ្នកលេងគុនខ្មែរ ឡៅ ចិត្រា សប្ដាហ៍នេះនឹងមកលេងសង្វៀនបាយ័នហើយដោយត្រូវប៉ះជើងខ្លាំងមកពីប្រទេសអ៊ីរ៉ង់ ឈ្មោះ Milad Mavout នៅថ្ងៃទី២៥ ខែតុលា ឆ្នាំ២០២៥ ចាប់ពីវេលាម៉ោង ៥កន្លះតទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្មវិធីប្រកួតរបស់ ចិត្រា

ឡៅ ចិត្រា បើទោះជារយៈពេលប៉ុន្មានប្រកួតចុងក្រោយនេះហាក់ធ្លាក់សមត្ថភាពខ្លាំងមានចាញ់ពិន្ទុ ចាញ់សន្លប់ និងស្មើយ៉ាងណាក្ដី ប៉ុន្តែអ្នកដែលស្រឡាញ់គាំទ្រពីមុននៅតែតាមដានចំពោះការប្រកួតរបស់គេ។

ដោយសារតែការឡើងទម្ងន់ខ្លាំង និងបញ្ហាសុខភាពផងនោះទើបធ្វើឲ្យអ្នកប្រដាល់មកពីខេត្តកំពង់ស្ពឺរូបនេះត្រូវប្រកួតលើប្រភេទទម្ងន់ធ្ងន់ ខណៈរាងកាយ និងការចេញអាវុធយឺតជាងមុនខុសឆ្ងាយពីរាល់ដង។

កីឡាករ ឡៅ ចិត្រា

រង់ចាំមើលការប្រកួតនៅសប្ដាហ៍នេះរូបគេអាចស្ដាកេរ្ត៍ឈ្មោះបានវិញទេក្នុងជំនួបមិត្តភាពអន្តរជាតិកម្មវិធី អ្នកចម្បាំងកម្លាំងកម្ពុជា។ ការប្រកួតនេះធ្វើឡើងនៅសង្វៀនបាយ័នស្ទឹងមានជ័យ ចាប់ពីម៉ោង ៥កន្លះតទៅ។ ចូលរួមទស្សនាដោយសេរីដើម្បីលើកទឹកចិត្តកីឡាករដែលនឹងត្រូវប្រកួតជូនប្រិយមិត្តកម្សាន្តសប្បាយ៕

អត្ថបទដោយ៖ នួន ស៊ីណា