កីឡា

អបអរសាទរ! ព្រះខ័នរាជស្វាយរៀង បានឡើងទៅវគ្គបន្តហើយ បន្ទាប់ពីឈ្នះ២ប្រកួតជាប់គ្នា

បានផុស

៩ ខែ មុន

នៅ

ថ្ងៃពុធ ២៩ តុលា ២០២៥

ដោយ

ក្រុមបាល់ទាត់ព្រះខ័នរាជស្វាយរៀង បានឡើងទៅកាន់វគ្គពាក់់កណ្តាលផ្តាច់ព្រ័ត្រ ប្រចាំតំបន់អាស៊ីខាងកើតហើយ បន្ទាប់ពីបានឈ្នះ ២ លើកជាប់គ្នានៅវគ្គសន្សំពិន្ទុ ពូល D ពានរង្វាន់ AFC Challenge League រដូវកាល ២០២៥-២៦។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតទី១ ព្រះខ័នរាជស្វាយរៀង បានឈ្នះក្រុម SP Falcons ដោយលទ្ធផល ៣-០ កាលពីថ្ងៃអាទិត្យ ទី២៦ ខែតុលា ឆ្នាំ ២០២៥ និងការប្រកួតលើកទី២នៅថ្ងៃទី២៩ ខែតុលានេះ បានយកឈ្នះក្រុមរបស់ឡាវ Ezra FC ដោយលទ្ធផល ៣-០ ទៀត។ ដូច្នេះព្រះខ័នរាជស្វាយរៀង រកបាន ៦ ពិន្ទុពេញ ស៊ុតចូលដៃគូ ៦ គ្រាប់ និងគ្មានដៃគូស៊ុតចូលឡើយ ដោយឈរនៅលើកំពូលតារាងឡើងទៅកាន់វគ្គបន្ត។

នៅពូលជាមួយគ្នានេះ ក្រុមរបស់ហ្វីលីពីន Manila Digger ក៏បានឡើងទៅកាន់វគ្គពាក់កណ្តាលផ្តាច់ព្រ័ត្រដែរ បន្ទាប់ពីឈ្នះ Ezra FC ដោយលទ្ធផល ៣-១ និងក្រុម SP Falcons ដោយលទ្ធផល ២-០ ដោយមាន ៦ ពិន្ទុ ឈរលេខ២ក្នុងតារាង។

អ្វីដែលត្រូវតាមដានបន្តថា តើរវាងក្រុម ព្រះខ័នរាជស្វាយរៀង ឬ Manila Digger ជាក្រុមណាមួយឈរលើកំពូលតារាង ដោយត្រូវប្រកួតគ្នានៅថ្ងៃទី១ ខែវិច្ឆិកា ឆ្នាំ ២០២៥។ ចំពោះក្រុម Ezra FC និង SP Falcons អស់ឱកាសឡើងវគ្គបន្តហើយ ដោយក្រុមទាំងពីរត្រូវប្រកួតគ្នាចុងក្រោយដើម្បីរកពិន្ទុត្រឡប់ទៅស្រុកវិញ៕