កីឡា

គ្រូបង្វឹកក្លឹប Johor ៖ ព្រះខ័នរាជ្យស្វាយរៀងជាក្រុមល្អ ប៉ុន្តែលោកជឿជាក់លើកូនក្រុម និងយុទ្ធសាស្ត្រដែលបានរៀបចំ

បានផុស

៧ ខែ មុន

នៅ

ថ្ងៃពុធ ៣ ធ្នូ ២០២៥

ដោយ

គ្រូបង្វឹករបស់ក្លឹបបាល់ទាត់ Johor ថាក្រុមរបស់កម្ពុជាគឺព្រះខ័នរាជ្យស្វាយរៀងជាក្រុមល្អមួយទាំងទម្រង់លេង និងកីឡាករគឺល្អ ប៉ុន្តែការប្រកួតស្អែកនេះលោកជឿជាក់លើកីឡាកររបស់លោក និងយុទ្ធសាស្ត្រដែលបានរៀបចំទុករួចហើយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក XISCO MUNOZ

លោក XISCO MUNOZ បានឲ្យដឹងក្នុងសន្និសីទសារព័ត៌មានមុននេះថា ការប្រកួតជាមួយម្ចាស់ផ្ទះព្រះខ័នរាជ្យស្វាយរៀងស្អែកនេះអាចជាការប្រកួតតានតឹងមួយសម្រាប់ក្រុមលោក។ នេះជាការប្រកួតសំខាន់សម្រាប់ Johor ដើម្បីបញ្ជាក់ថាអាចឡើងទៅជុំបន្ត ដូច្នេះមិនត្រឹមជាការប្រកួតដើម្បីឡើងទៅវគ្គបន្តនោះទេក៏ជាការប្រកួតតំណាងប្រទេសម៉ាឡេស៊ី តំណាងឲ្យជាតិសាសន៍ម៉ាឡេស៊ីដូចគ្នា។

ក្រុមព្រះខ័នរាជ្យស្វាយរៀង

គ្រូបង្វឹករូបនេះបានបន្តទៀតថា មុនការប្រកួតនេះលោកបានសិក្សាស្វែងយល់រួចហើយចំពោះការលេងរបស់ក្រុមព្រះខ័នរាជស្វាយរៀង ដូច្នេះផែនការយុទ្ធសាស្ត្រគឺត្រូវបានរៀបចំរួចរាល់ហើយ។ លោកជឿជាក់លើសមត្ថភាពកូនក្រុម និងផែនការយុទ្ធសាស្ត្រដើម្បីស្វែងរកជ័យជម្នះក្នុងការប្រកួតស្អែកនេះ។

ទិដ្ឋភាពសន្និសីទសារព័ត៌មាន

បញ្ជាក់ដែរថា ព្រះខ័នរាជស្វាយរៀង នឹងត្រូវស្វាគមន៍ក្រុមភ្ញៀវ Johor Darul Ta’zim ក្នុងវគ្គសន្សំពិន្ទុក្នុងពូល B នៃពានរង្វាន់ ASEAN Club Championship។ ការប្រកួតនេះធ្វើឡើងនៅឯពហុកីឡដ្ឋានមរតកតេជោ ចាប់ពីម៉ោង ៧យប់តទៅ៕