កីឡា

ឈិន ឈឿន ព្រះខ័នរាជ្យស្វាយរៀងស្មើជាមួយ Johor បញ្ជាក់ទៅតំបន់អាស៊ានពីភាពរីកចម្រើនរបស់វិស័យបាល់ទាត់កម្ពុជា

បានផុស

៧ ខែ មុន

នៅ

ថ្ងៃសុក្រ ៥ ធ្នូ ២០២៥

ដោយ

អតីតកីឡាករជម្រើសជាតិកម្ពុជា លោក ឈិន ឈឿន ការប្រកួតស្មើររបស់ក្រុមព្រះខ័នរាជ្យស្វាយរៀងយប់មិញជាមួយ Johor នេះគឺបានបញ្ជាក់ទៅដល់បណ្ដាប្រទេសក្នុងតំបន់អាស៊ានឲ្យបានដឹងថាវិស័យបាល់ទាត់នៅកម្ពុជាពិតជាមានភាពរីកចម្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតយប់មិញ

លោក ឈិន ឈឿន បានលើកឡើងក្នុងវិដេអូក្រោយបញ្ចប់ការប្រកួតរបស់ព្រះខ័នរាជ្យស្វាយរៀងថា ក្នុងនាមជាអ្នកគាំទ្រម្នាក់ និងអ្នកនិយមវិស័យបាល់ទាត់នៅកម្ពុជាពិតជាមានចិត្តរំភើបចំពោះទម្រង់លេងកាលពីយប់មិញនេះណាស់។ បើទោះលទ្ធផលត្រឹមស្មើមែន ប៉ុន្តែជាការប្រកួតមួយដ៏ល្អ និងបានផ្ដល់ភាពរីករាយដល់អ្នកគាំទ្រទាំងអស់គ្នា។

អតីតកីឡាករជម្រើសជាតិរូបនេះបន្តទៀតថា ទម្រង់ដ៏ល្អរបស់ព្រះខ័នរាជ្យស្វាយរៀង និងលទ្ធផល នៃការប្រកួតយប់មិញនេះគឺពិតជាបានបញ្ជាក់ដល់បណ្ដាប្រទេសក្នុងតំបន់អាស៊ានឲ្យបានដឹងថាវិស័យបាល់ទាត់របស់កម្ពុជាពិតជាមានការរីកចម្រើនខ្លាំងរហូតអាចទប់ទល់ជាមួយជើងខ្លាំង Johor Darul Ta’zim បាន។

ការប្រកួតយប់មិញ

រំលឹកដែរថា ការប្រកួតលើកទី៣ របស់ក្រុមបាល់ទាត់ព្រះខ័នរាជស្វាយរៀង ទល់និងក្រុមខ្លាំង Johor Darul Ta’zim ស្ទើរតែទទួលបានជ័យជម្នះក្នុងការប្រកួតនេះទៅហើយបន្ទាប់ពីនាំមុខដោយលទ្ធផល ២-០ រហូតដល់នាទី ៩០⁺បែរជាភ្លាត់របូត ២គ្រាប់វិញដោយបញ្ចប់ការប្រកួតបានត្រឹមស្មើគ្នាប៉ុណ្ណោះ។ យ៉ាងណាការប្រកួតមួយនេះគេមើលឃើញថាក្រុមព្រះខ័នរាជស្វាយរៀងរបស់កម្ពុជាលេងបានល្អ និងមានការដាក់សម្ពាធខ្លាំងលើក្រុមភ្ញៀវដែលជាក្រុមធំលំដាប់អាស៊ីមួយនេះ៕