កីឡា

កីឡាករ លី សុខា សុំចូលមកក្លឹបលោក ពេជ្រ សុផាន់ ព្រោះចង់ល្បី ចង់ខ្លាំងដូចគេ

បានផុស

៥ ខែ មុន

នៅ

ថ្ងៃចន្ទ ៥ មករា ២០២៦

ដោយ

កីឡាករ លី សុខា បានប្ដូរមកក្លឹបលោក ពេជ្រ សុផាន់ ហើយកាលពីពេលថ្មីៗនេះ ព្រោះចង់ល្បីឈ្មោះ និងមានសមត្ថភាពខ្លាំងដូចកីឡាករដទៃផងដែរក្នុងវិស័យប្រដាល់គុនខ្មែរនេះ ស្របពេលក្លឹបចាស់របស់ខ្លួននៅឯសៀមរាបជិតបិទទៅហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពលើផេក Pich Sambath Kun Khmer

អ្នកលេងគុនខ្មែរ លី សុខា បានលើកឡើងថា ក្លឹបប្រដាល់ពេជ្រសុផាន់គុនខ្មែរដែលដឹកនាំ និងបង្ហាត់ដោយលោក ពេជ្រ សុផាន់ គឺវិន័យតឹងរឹងល្អ និងបុកហ្វឹកហាត់ខ្លាំងទៀតផង។ រូបគេមករួមរស់ជាមួយក្លឹបប្រដាល់មួយនេះគឺចង់មានសមត្ថភាពខ្លាំង និងល្បីឈ្មោះដូចកីឡាករដទៃទៀត។ មួយវិញទៀតក្លឹបចាស់របស់ខ្លួនក៏ជិតបិទផងដែរ។

កីឡាករដើមកំណើតពីខេត្តតាកែវរូបនេះ ចង់បានចំណូលខ្ពស់ និងមានជីវភាពគ្រួសារល្អប្រសើរផងដែរទើបសម្រេចផ្ទេរពីក្លឹបចាស់ដែលហាត់នៅឯខេត្តសៀម។ ជាមួយគ្នានោះដែរលោក ពេជ្រ សុផាន់ បានផ្ដល់ដំបូន្មានដល់កីឡាករចំណូលថ្មីនេះឲ្យខំប្រឹងប្រែងហ្វឹកហាត់បង្កើនសមត្ថភាព។ លោកនឹងបណ្ដុះកីឡាករថ្មីរូបនេះ និងសុំមហាជនជួយគាំទ្រសិស្សគុនខាងលើនេះផង។

រូបភាពលើផេក Pich Sambath Kun Khmer

បញ្ជាក់ដែរថា កីឡាករ លី សុខា និង លី ខាវ ជាអតីតសិស្សគុនក្លឹបប្រដាល់មីស្ទ័រលីនៅឯខេត្តសៀមរាប។ រូបគេទើបតែចូលមករួមរាស់ជាមួយលោក ពេជ្រ សុផាន់ បានប៉ុន្មានថ្ងៃនេះប៉ុណ្ណោះ។ ក្លឹបលោក ពេជ្រ សុផាន់ ជាក្លឹបប្រដាល់ល្បីឈ្មោះមួយនៅកម្ពុជា និងសំបូរសិស្សចេញប្រកួតតាមកម្មវិធីតូច-ធំផងដែរ៕