កីឡា
កីឡាករ Akram ថា ៖«ប៉ះព្រះខ័នរាជស្វាយរៀងយប់នេះ ជាឱកាសកីឡាករក្នុងស្រុកបង្ហាញសមត្ថភាព»
កីឡាករ Akram Azman របស់ក្រុម Lion City Sailors ចាត់ទុកការប្រកួតជាមួយ ព្រះខ័នរាជស្វាយរៀង វេលាម៉ោង ៧:៣០នាទីយប់នេះជាឱកាសដែលកីឡាករវ័យក្មេងសញ្ជាតិសិង្ហបុរីបង្ហាញសមត្ថភាពលើឆាកអន្តរជាតិ។
ក្រុម Lion City Sailors នឹងបិទបញ្ចប់យុទ្ធនាការណ៍របស់ខ្លួនក្នុងពានក្លិបកំពូលអាស៊ាន ASEAN Club Championship នៅកីឡដ្ឋាន Jalan Besar របស់ខ្លួនដោយទទួលក្រុមតំណាងកម្ពុជា ព្រះខ័នរាជស្វាយរៀង ជាមួយមហិច្ឆតាស្វែងរកចំណាត់ថ្នាក់ឲ្យបានល្អ។ បច្ចុប្បន្ន ពួកគេមាន ៤ ពិន្ទុ ស្ថិតនៅលេខ ៤ អស់ឱកាសឡើងទៅកាន់វគ្គបន្តហើយ បន្ទាប់ពីឈ្នះ១ ស្មើ១ និងចាញ់ ២។
ក្រុម Lion City Sailors មានកីឡាករបរទេស ១៣ នាក់ដែលនាំឲ្យពួកគេខ្លាំងសម្រាប់ការប្រកួតពានរង្វាន់អន្តរជាតិ ជាពិសេសពានអាស៊ីកម្រិតទី២ AFC Champions League Two។ នៅពេលមានកីឡាករបរទេសច្រើនបាននាំឲ្យកីឡាករក្នុងស្រុកមិនសូវមានឱកាសបង្ហាញខ្លួនលើឆាកអន្តរជាតិ។ ដូច្នេះការប្រកួតជាមួយ ព្រះខ័នរាជស្វាយរៀង ទំនងជាផ្តល់ឱកាសឲ្យកីឡាករវ័យក្មេងស្រុកច្រើនបញ្ចេញសមត្ថភាព។
ក្នុងសន្និសីទសារព័ត៌មាន ខ្សែការពារអាយុ ២៥ ឆ្នាំ Akram Azman បាននិយាយថា ៖«ពានរង្វាន់ Shopee Cup ពិតជាសំខាន់ណាស់សម្រាប់កីឡាករសិង្ហបុរីវ័យក្មេងៗដូចជាខ្ញុំដើម្បីបង្ហាញសមត្ថភាព។ វាមិនងាយស្រួលទេដែលចេញពីការប្រកួតលីគក្នុងស្រុក ហើយលេងពានអន្តរជាតិ ពីព្រោះការប្រកួតអន្តរជាតិត្រូវការប្រកួតប្រជែងខ្លាំងទាំងបច្ចេកទេស និងកាយសម្បទា»។
កីឡាករបានបញ្ជាក់ថា ៖«ពេលនេះជាឱកាសកីឡាករក្នុងស្រុក ហើយសម្រាប់ពួកយើង រឿងសំខាន់គឺតំណាងឲ្យបាល់ទាត់សិង្ហបុរីលើឆាកអន្តរជាតិ ហើយត្រូវតែទទួលបានលទ្ធផលវិជ្ជមាន»។
ចំណែកលោក Aleksandar Ranković គ្រូបង្វឹក Lion City Sailors បាននិយាយថា ៖«វាពិតជាសំខាន់សម្រាប់យើងដើម្បីឈ្នះសម្រាប់ការប្រកួតក្នុងពូលចុងក្រោយ និងបញ្ចប់ព្រឹត្តិការណ៍ដោយភាពវិជ្ជមាន។ ព្រឹត្តិការណ៍នេះមិនមែនស្រួលទេសម្រាប់យើងដោយសារមានហេតុផលជាច្រើន ប៉ុន្តែយើងចង់បង្ហាញការប្រកួតដ៏ល្អសម្រាប់អ្នកគាំទ្រ។ ការផ្តោតសំខាន់របស់ខ្ញុំគឺជ្រើសរើសក្រុមមួយដ៏ល្អបំផុត និងធានានូវក្រុមតំណាងក្លិបដ៏ល្អបំផុត»៕
ប្រែសម្រួល៖ វិរបុត្រ
-
កីឡា៣ ថ្ងៃ agoបារាំង ចប់ដំណើរនៅ World Cup 2026 ក្រោមថ្វីជើង អេស្ប៉ាញ ២-០ វគ្គ ១/២ ផ្តាច់ព្រ័ត្រ
-
ព័ត៌មានជាតិ៥ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
ព័ត៌មានជាតិ២ ថ្ងៃ agoប្រធានមន្ទីររៀបចំដែនដី ៖ កំណែទម្រង់ថ្មី ការស្នើសុំបណ្ណកម្មសិទ្ធិនៅភ្នំពេញ ចំណាយពេលត្រឹម ១ ខែប៉ុណ្ណោះ
-
ព័ត៌មានអន្ដរជាតិ១ សប្តាហ៍ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ២៣ ម៉ោង agoសេតវិមានអះអាងថា អ៊ីរ៉ង់នៅតែចង់ធ្វើកិច្ចព្រមព្រៀងជាមួយអាមេរិក ទោះកំពុងវាយគ្នាក៏ដោយ
-
ព័ត៌មានអន្ដរជាតិ១២ ម៉ោង agoកូរ៉េខាងជើង ហៅ កូរ៉េខាងត្បូង ជា«អាយ៉ង»របស់អាមេរិក
-
ព័ត៌មានអន្ដរជាតិ១៧ ម៉ោង agoអស្ចារ្យ! FIFA នឹងផ្តល់រង្វាន់ ចិញ្ចៀនមាសដាំពេជ្រ បន្ថែមពីលើមេដាយ និងពាន ដល់ក្រុមជើងឯក World Cup 2026
-
កីឡា២៣ ម៉ោង agoកីឡាការិនីកម្ពុជា ២ ក្រុម ឈានដល់វគ្គពាក់កណ្តាលផ្តាច់ព្រ័ត្រពានអន្តរជាតិ