កីឡា

លោក សាន សុក្រិត ការចូលលេងពានរង្វាន់សម្ដេច ក្រឡាហោម នេះចង់បង្ហាញពីសុខភាព និងការលើកទឹកចិត្តយុវជន

បានផុស

៤ ខែ មុន

នៅ

ថ្ងៃអង្គារ ១០ កុម្ភៈ ២០២៦

ដោយ

លោក សាន សុក្រិត គ្រូបង្វឹកជើងចាស់ដែលមានបទពិសោធច្រើនក្នុងវិស័យកីឡាបាល់ទះ ថាវត្តមានរបស់លោកពានរង្វាន់សម្ដេច ក្រឡាហោម លើកទី៤ នេះគឺបង្ហាញពីសុខភាពផ្ទាល់ខ្លួនផង និងជាការលើកទឹកចិត្តយុវជនក្នុងក្រុមឲ្យមានភាពក្លាហាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សាន សុក្រិត

លោក សាន សុក្រិត ដែលជាសមាជិកក្រុមស្នងការ ន.ប ឧត្តរមានជ័យ បានឲ្យដឹងថា ការបន្តចូលលេងជួយក្រុមនេះគឺចង់បង្ហាញថាសុខភាព រាងកាយរបស់លោកនៅតែអាចលេងបាល់បានពិសេសតំណែងអ្នកប៉ះសេនេះអាយុច្រើនជាងនេះក៏នៅតែអាចលេងបានដែរ។ មួយវិញទៀតចិត្តស្រឡាញ់វិស័យកីឡាបាល់ទះនេះណាស់ ដូច្នេះនៅតែចង់ចូលរួមលេងសប្បាយ។ រាងកាយរបស់លោកនៅអាចលេងបានគឺលោកនៅតែលេង និងជាការហាត់ប្រាណដើម្បីឲ្យមានសុខភាពល្អផង។

លោក សាន សុក្រិត

អតីតគ្រូបង្វឹកមានបទពិសោធច្រើនរូបនេះបន្ថែមទៀតថា ការចូលប្រកួតនេះដែរគឺបានជួយជំរុញលើកដល់យុវជនដល់ភាគច្រើនជាសិស្សសាលា និស្សិត ដែលបានហ្វឹកហាត់នៅខាងក្រៅកន្លងមកជាមួយលោកឲ្យមានភាពក្លាហាន និងទទួលបានបទពិសោធពីកម្មវិធីធំៗដូចនេះ។ ការជំរុញលើកទឹកចិត្តរបស់លោកដល់កូនក្រុមទាំងនេះនឹងជួយឲ្យពួកគេមានចិត្តរឹតតែស្រឡាញ់កីឡាបាល់ទះ និងមានក្ដីស្រមៃវែងឆ្ងាយជាមួយកីឡាមួយនេះ។

លោក សាន សុក្រិត

បញ្ជាក់ដែរថា ក្នុងការប្រកួតពានរង្វាន់សម្ដេច ក្រឡាហោម ស ខេង លើកទី៤ ឆ្នាំ២០២៦ នេះបានចាប់ដំណើរការប្រកួតហើយតាំងពីថ្ងៃទី៧ ខែកុម្ភៈ ឆ្នាំ២០២៦ នេះនៅទីលានវិមានពហុកីឡដ្ឋានជាតិ។ លោក សាន សុក្រិត ក៏បានចូលរួមលេងជាអ្នកប៉ះសេផងដែរនៅក្នុងក្រុមបាល់ទះស្នងការ ន.ប ឧត្តរមានជ័យ។ លោក សាន សុក្រិត បច្ចុប្បន្នមានអាយុ ៤៧ឆ្នាំហើយ និងជាអតីតគ្រូបង្វឹកជើងចាស់ដែលមានបទពិសោធច្រើនក្នុងវិស័យបាល់ទះនេះ៕