កីឡា

នេះស្មាត់ឆ្នើមៗ ក្នុងពានរង្វាន់សម្តេចក្រឡាហោម ស ខេង លើកទី៤

បានផុស

៥ ខែ មុន

នៅ

ថ្ងៃសៅរ៍ ១៤ កុម្ភៈ ២០២៦

ដោយ

ការប្រកួតកីឡាបាល់ទាត់ ពានរង្វាន់សម្តេចក្រឡាហោម ស ខេង លើកទី៤ កំពុងដំណើរការប្រកួតគួរឲ្យចាប់អារម្មណ៍ បន្ទាប់ពីបានចាប់ផ្តើមប្រកួតតាំងពីថ្ងៃទី៧ ខែកុម្ភៈ ឆ្នាំ ២០២៦។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមទាំង ៣២ មានកីឡាករសំខាន់រៀងៗខ្លួន ប៉ុន្តែមានក្រុមមួយចំនួនតូចប៉ុណ្ណោះដែលអាចឈានដល់វគ្គពាក់កណ្តាលផ្តាច់ព្រ័ត្រ និងវគ្គផ្តាច់ព្រ័ត្រ។ កីឡាករវាយផ្តាច់ល្អៗមានក្រុមវិសាខា ក្រសួងមហាផ្ទៃ ស្នងការដ្ឋានរាជធានី និង ស្នងការរាជធានីភ្នំពេញ។

ក្លិបបាល់ទះ វិសាខា អាចត្រូវបានចាត់ទុកជាក្រុមដែលមានកម្រិតគុណភាពល្អជាងគេ។ កីឡាករវាយផ្តាច់លេចធ្លោរបស់ក្រុមជម្រើសជាតិកម្ពុជា គឺ គួន ម៉ុម ជាស្មាត់ស្លាបស្តាំ និង ពិន សារ៉ុន ជាស្មាត់ស្លាបឆ្វេង។ កីឡាករទាំងពីរពិតជាធ្វើបានល្អណាស់ បន្ទាប់ពីមានអ្នកប៉ះសេហ្វីលីពីន Retamar។

ក្រុមបាល់ទះស្នងការដ្ឋានខេត្ត ស្វាយរៀង មានកីឡាករបរទេស ២ នាក់ និងជម្រើសជាតិកម្ពុជា ១ នាក់។ កីឡាករសញ្ជាតិវៀតណាម ង្វៀន វ៉ាន់ងុកដុយ លេងតួនាទីជាស្មាត់ឆ្វេង និងកីឡាករឥណ្ឌា Prafu លេងតួនាទីជាស្មាត់ស្តាំ ចាប់ដៃជាមួយ អ្នកប៉ះសេជម្រើសជាតិកម្ពុជា សួន ចាន់ណារ៉ូ។

ក្រុមបាល់ទះក្រសួងមហាផ្ទៃ ជាក្រុមគួរឲ្យចាប់អារម្មណ៍មួយ ពីព្រោះពួកគេមានកីឡាករល្អៗជាច្រើន។ ពួកគេមិនមានកីឡាករបរទេស ប៉ុន្តែមានកីឡាករជម្រើសជាតិកម្ពុជា ៣នាក់គឺ មឿង ម៉េងឡាយ ជាស្មាត់ស្តាំ និង ធី ម៉េងហួង ជាស្មាត់ឆ្វេង ព្រមទាំងអ្នកប៉ះសេ កែវ ស្រេងលីហួរ។

ក្រុមស្នងការដ្ឋានរាជធានីភ្នំពេញ ជាក្រុមមួយអាចប្រជែងជើងឯក។ ពួកគេមានស្មាត់បរទេសគឺកីឡាករ Raciel Herrera ដែលមានបទពិសោធច្រើននៅកម្ពុជា។ ជាមួយគ្នានេះ ពួកគេមានកីឡាករ រុន សុខជា និង ចាន់ វាសនា ព្រមទាំងអ្នកប៉ះសេជាប់ជម្រើសជាតិកម្ពុជា យុន ខេមរៈ។

ក្រុមបាល់ទះខេត្តព្រៃវែង បាននាំចូលកីឡាករបរទេស ២ នាក់គឺ Viko និង Amin ដែលជាកីឡាករឥណ្ឌូណេស៊ី។ កីឡាករទាំងពីរនាក់នេះគឺ Amin ជាស្មាត់វាយផ្តាច់ស្លាបស្តាំង ខណៈ Viko ជាអ្នកប៉ះសេ ប៉ុន្តែរូបគេក៏អាចលេងប្រយុទ្ធស្លាបបានដែរ៕