កីឡា

ក្រុមស្នងការខេត្តព្រៃវែង ដែលមានឥណ្ឌូណេស៊ីនោះធ្លាក់ត្រឹមវគ្គ ១៦ក្រុមក្រោយចាញ់ ៣-០ ព្រឹកមិញនេះ

បានផុស

៥ ខែ មុន

នៅ

ថ្ងៃអាទិត្យ ២២ កុម្ភៈ ២០២៦

ដោយ

ក្រុមបាល់ទះស្នងការ ន.ប ខេត្តព្រៃវែង ដែលមានកីឡាករឥណ្ឌូណេស៊ី និងអ្នកគាំទ្រគិតថាឡើងដល់វគ្គសំខាន់ៗនោះបានធ្លាក់ត្រឹមជុំទី២ វគ្គ ១៦ក្រុមហើយនៅព្រឹកមិញនេះបន្ទាប់ពីចាញ់ក្រុមស្នងការ ន.ប ខេត្តកោះកុង ដោយលទ្ធផល ៣-០ ក្នុងពានរង្វាន់សម្ដេច ក្រឡាហោម លើកទី៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពប្រកួត

ការធ្លាក់របស់ក្រុមបាល់ទះស្នងការ ន.ប ខេត្តព្រៃវែង គឺជារឿងភ្ញាក់ផ្អើលមួយផងដែរសម្រាប់អ្នកតាមដានវិស័យបាល់ទះពិសេសអំឡុងការប្រកួតពានរង្វាន់សម្ដេច ក្រឡាហោម លើកទី៤ ឆ្នាំ២០២៦ នេះ។ ដោយសារតែក្រុមមកពីខេត្តព្រៃវែងមួយនេះបាននាំកីឡាករល្អៗដែលមានសមត្ថភាពខ្ពស់មកពីប្រទេសឥណ្ឌូណេស៊ីដើម្បីជួយក្រុម ស្របពេលការលេងបានល្អនៅវគ្គសន្សំពិន្ទុក្នុងពូលផងនោះទើបធ្វើឲ្យអ្នកគាំទ្រមួយចំនួនគិតថាក្រុមមួយនេះអាចនឹងឡើងដល់វគ្គសំខាន់ៗជាមិនខាន។

ក្រុមស្នងការ ន.ប ខេត្តកោះកុង

យ៉ាងណាលទ្ធផលការពីព្រឹកមិញនេះគឺក្រុមបាល់ទះស្នងការ ន.ប ខេត្តព្រៃវែង បានធ្លាក់ចេញពីពានរង្វាន់សម្ដេច ក្រឡាហោម នៅវគ្គ ១៦ក្រុមនេះហើយក្រោមថ្វីដៃរបស់ក្រុមស្នងការ ន.ប ខេត្តកោះកុង ដោយលទ្ធផល ៣-០ មិនអាចតដៃបាននោះទេ។

បញ្ជាក់ដែរថា លទ្ធផលចាញ់ធ្លាក់របស់ក្រុមស្នងការ ន.ប ខេត្តព្រៃវែង ៣-០ លើក្រុមស្នងការ ន.ប ខេត្តកោះកុង ព្រឹកមិញនេះគឺ ១៣-២៥, ២៤-២៦, ២៣-២៥។ ក្រុមស្នងការ ន.ប ខេត្តកោះកុង បានឡើងទៅជុំទី៣ វគ្គ ៨ក្រុមចុងក្រោយហើយ។ នៅពេលនេះផងដែរពានរង្វាន់សម្ដេច ក្រឡាហោម លើកទី៤ ឆ្នាំ២០២៦ កំពុងដំណើរវគ្គចាញ់ធ្លាក់ ១៦ក្រុមចុងក្រោយ៕