កីឡា

ក្លឹបបាល់ទះស្នងការរាជធានីភ្នំពេញ មិនហាមឃាត់ចំពោះកីឡាករចេញលេងក្រៅផ្លូវការទេ ប៉ុន្តែអាចមានការប៉ះពាល់

បានផុស

៤ ខែ មុន

នៅ

ថ្ងៃសៅរ៍ ២១ មីនា ២០២៦

ដោយ

គ្រូជំនួយក្លឹបបាល់ទះស្នងការរាជ ន.ប រាជធានីភ្នំពេញ ថាក្លឹបផ្ទាល់មិនបានហាមឃាត់កីឡាករណាដែលចង់ចេញលេងបាល់ក្រៅផ្លូវការនោះទេ ប៉ុន្តែក្លឹបក៏មិនលើកទឹកចិត្តនោះដែរ ព្រោះដោយសារអាចប៉ះពាល់ដល់ទម្រង់ហ្វឹកហាត់ ឬលេងផ្លូវការ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមស្នងការរាជធានីភ្នំពេញ

លោក ប្រាក់ សារ៉ាន់ឌី គ្រូជំនួនក្លឹបបាល់ទះស្នងការ ន.ប រាជធានីភ្នំពេញ បានឲ្យដឹងថាចំពោះក្លឹបផ្ទាល់មិនមានហាមឃាត់កីឡាករណាមួយចង់ទៅលេងបាល់ក្រៅផ្លូវការនៅតាមតារាងផ្សេងៗនោះឡើយ។ ប្រសិនបើកីឡាករចង់ចេញលេងគឺអាចចេញទៅបាន។

គ្រូបង្វឹកខាងលើបន្ថែមទៀតថា យ៉ាងណាកីឡាករក្នុងក្លឹបខ្លួនឯងក៏មិនសូវចង់ចេញប្រកួតលក្ខណៈក្រៅផ្លូវការនោះដែរកន្លងមក។ ប៉ុន្តែក្លឹបក៏មិនលើកទឹកចិត្តកីឡាករឲ្យចេញទៅលេងក្រៅផ្លូវការដែរដោយសារបារម្ភប៉ះពាល់ដល់ទម្រង់ហ្វឹកហាត់ផ្លូវការ និងការលេងខុសគ្នាតាមជាក់ស្ដែងខាងក្រៅ។ នៅក្លឹបកីឡាករហ្វឹកហាត់ទៅតាមជំនាញតួនាទីរបស់ខ្លួន ដូច្នេះម្នាក់ៗសាំង និងកើនឡើងសមត្ថភាពទៅតាមផ្នែកនោះ។ ការលេងនៅខាងក្រៅម្នាក់ៗមានចិត្តចង់ឈ្នះចាញ់ ដូច្នេះទម្រង់លេង ឬការចាញ់ឈ្នះធ្វើឲ្យប៉ះពាល់អារម្មណ៍ខ្លាំងផងដែរ។

លោក ប្រាក់ សារ៉ាន់ឌី

បញ្ជាក់ដែរថា ក្លឹបបាល់ទះស្នងការ ន.ប រាជធានីភ្នំពេញ ជាក្លឹបធំមួយនៅកម្ពុជា និងសំបូរយុវជនលេចធ្លោ។ នៅថ្មីៗនេះក្លឹបខាងលើទទួលបានជោគជ័យជាខ្លាំងបន្ទាប់ពីបានឈ្នះពានសម្ដេច ក្រឡាហោម លើកទី៤ ដើមខែមីនា ឆ្នាំ២០២៦។ ក្រោយបញ្ចប់ការប្រកួតផ្លូវការរួចរាល់ហើយនោះគេឃើញកីឡាករអាជីពនៅតាមក្លឹបបាល់ទះមួយចំនួនក្នុងប្រទេសកម្ពុជាចេញលេងបាល់ក្រៅផ្លូវការ និងមានអ្នកខ្លះចេញទៅប្រកួតលក្ខណៈស្ដង់ដាតាមប្រទេសជិតខាងផងដែរ៕

អត្ថបទដោយ៖ នួន ស៊ីណា