កីឡា

ស្ងាត់ៗស្មាត់ឌូក ឥលូវក្លាយជាគ្រូបង្វឹកបាល់ទះជម្រើសជាតិឆ្នេរខ្សាច់កម្ពុជាហើយ

បានផុស

៣ ខែ មុន

នៅ

ថ្ងៃសុក្រ ១០ មេសា ២០២៦

ដោយ

កីឡាករចាស់វស្សាក្នុងវិស័យបាល់ទះទាំងក្នុងសាល និងឆ្នេរខ្សាច់ លោក ជុក សោភា ហៅស្មាត់ឌូក នៅឆ្នាំ២០២៦ នេះបានក្លាយជាគ្រូបង្វឹកបាល់ទះវិញ្ញាសាឆ្នេរខ្សាច់ហើយដើម្បីជួយបង្ហាត់បង្រៀនដល់យុវជនជំនាន់ក្រោយត្រៀមការប្រកួតអន្តរជាតិតំណាងកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ជុក សោភា

ស្មាត់ឌូក បានបញ្ជាក់កាលពីព្រឹកថ្ងៃទី១០ ខែមេសា ឆ្នាំ២០២៦ នេះថា បច្ចុប្បន្ននេះរូបគេជាប់ជាគ្រូបង្វឹកឆ្នេរខ្សាច់ហើយ ប៉ុន្តែត្រឹមជាគ្រូជំនួយនោះទេ។ រូបគេជាគ្រូជំនួយ ខណៈគ្រូធំនោះគឺលោក ស៊ីម ឃ្លោក ដែលជាគ្រូរបស់ក្រុមបាល់ទះស្នងការ ន.ប រាជធានីភ្នំពេញ។

ការប្រមូលផ្ដុំក្រុមជម្រើសជាតិឆ្នេរខ្សាច់នៅឆ្នាំនេះគឺមានកីឡាករ ៦រូប និងកំពុងហ្វឹកហាត់ពង្រឹងសមត្ថភាព បង្កើនបច្ចេកទេសនៅទីលានក្នុងពហុកីឡដ្ឋានជាតិ។ បើតាមផែនការរបស់ក្រសួងអប់រំ យុវជន និងកីឡា ឆ្នាំនេះមានការប្រមូលផ្ដុំលើ ៤០ប្រភេទកីឡា ដោយឈុតធំរយៈពេល ៧ខែ និងថ្នាលមានរយៈពេល ៩ខែ ដើម្បីត្រៀមការប្រកួតកម្រិតអន្តរជាតិផ្សេងៗ។

លោក ជុក សោភា

បញ្ជាក់ដែរថា លោក ជុក សោភា ហៅស្មាត់ឌូក នេះជាអតីតកីឡាករដែលមានបទពិសោធច្រើនក្នុងវិស័យបាល់ទះមិនថាក្រុមជម្រើសជាតិ ឬបាល់ក្រៅផ្លូវការនោះឡើយ។ រូបគេធ្លាប់ជាប់ជាកីឡាករជម្រើសជាតិបាល់ទះក្នុងសាល និងឆ្នេរខ្សាច់ផងដែរកាលពីកន្លងទៅ។ គ្រូបង្វឹករូបគេក៏ជាមន្ត្រីមួយរូបរបស់ក្រសួងអប់រំ យុវជន និងកីឡាទៀតផង៕