កីឡា

ជប៉ុនចំណាយច្រើនណាស់ដល់១៥ប៊ីលានដុល្លាររៀបចំកីឡាអូឡាំពិក

បានផុស

៤ years មុន

នៅ

ថ្ងៃចន្ទ ៩ សីហា ២០២១

ដោយ

ម្ចាស់ផ្ទះជប៉ុនបានបិទបញ្ចប់ព្រឹត្តិការណ៍ប្រកួតកីឡាអូឡាំពិករដូវក្តៅកាលពីយប់មិញ បន្ទាប់ពីការរៀបចំជួបបញ្ហាស្មុគស្មាញយ៉ាងខ្លាំងកំឡុងពេលវិបត្តិកូវីដ-១៩។ សម្រាប់ការរៀបចំព្រឹត្តិការណ៍នេះត្រូវបានចំណាយប្រាក់យ៉ាងច្រើនសន្ធឹកសន្ធាប់។

លោក Thomas Bach ប្រធានគណៈកម្មាធិការអូឡាំពិកអន្តរជាតិបាននិយាយក្នុងពិធីបិទកាលពីយប់ថ្ងៃអាទិត្យ ទី៨ ខែសីហានេះថា ៖«ការប្រកួតកីឡាអូឡាំពិកទាំងនេះបង្ហាញពីអំណាចនៃកម្លាំងសាមគ្គីកីឡា»។

តាមកាសែត Asahi Shimbun ដែលបានអំពាវនាវឲ្យលុបចោលព្រឹត្តិការណ៍នេះ បើទោះជាខ្លួនជាម្ចាស់ឧបត្ថម្ភមួយបានផ្សាយថា ព្រឹត្តិការណ៍ប្រកួតដែលចំណាយប្រាក់ជិត១៥ប៊ីលានដុល្លារអាមេរិកគឺជាល្បែងជាមួយនឹងជីវិតមនុស្ស។

នៅថ្ងៃចន្ទនេះ កាសែតនេះបានផ្សាយថា ៖«ល្បែងនេះបានទៅមុខហើយ បានធ្វើឲ្យស្ថានភាពកាន់តែអាក្រក់»។

ការស្ទង់មតិដែលធ្វើឡើងដោយកាសែតនេះរយៈពេល២ថ្ងៃចុងក្រោយនៃព្រឹត្តិការណ៍កីឡាបានរកឃើញថា ពលរដ្ឋជប៉ុន៥៦%បានគាំទ្រព្រឹត្តិការណ៍នេះ ខណៈ៣២%ជំទាស់។ មានតែ៣២%បាននិយាយថា ពួកគេមានអារម្មណ៍ ការប្រកួតនេះមានសុវត្ថិភាព និងសន្តិសុខ ខណៈ៥៤%មិនជឿថា សុវត្ថិភាព និងសន្តិសុខឡើយ។

ព្រឹត្តិការណ៍អូឡាំពិកតូក្យូឆ្នាំ២០២០មិនដូចមិនដូចព្រឹត្តិការណ៍មុនៗទេដែលត្រូវបានពន្យាពេលពីឆ្នាំ២០២០មករៀបចំការប្រកួតនៅឆ្នាំ២០២១នេះដោយសារវិបត្តិកូវីដ-១៩។

ការរឹតត្បិតនៅព្រឹត្តិការណ៍ត្រូវបានអនុវត្តគឺគ្រប់បុគ្គលទាំងអស់ពាក់ម៉ាស់ លើកលែងតែអត្តពលិកប្រកួតលើទីលាន និងគ្មានអ្នកទស្សនាផ្ទាល់ឡើយដែលនេះជាប្រវត្តិសាស្ត្រលើកដំបូងរបស់អូឡាំពិក។

ទោះបីជាមានបញ្ហាបែបណាក៏ដោយ ក៏នៅពេលព្រឹត្តិការណ៍ប្រកួតត្រូវបានបើកជាផ្លូវការ គឺមានសញ្ញាដែលសាធារណជនជប៉ុនបើកបេះដូង។ មនុស្សរាប់ពាន់នាក់បានប្រមូលផ្តុំគ្នានៅខាងក្រៅពហកីឡដ្ឋានអូឡាំពិកដើម្បីទស្សនាពន្លឺភ្លើង និងការបាញ់កាំជ្រូចនៅថ្ងៃបើក។

ក្នុងនាមជាម្ចាស់ផ្ទះ ជប៉ុនស្ថិតនៅចំណាត់ថ្នាក់លេខ៣ដោយទទួលបានមេដាយមាស២៧គ្រឿង ប្រាក់១៤គ្រឿង និងសំរឹទ្ធ១៧គ្រឿង ខណៈចំណាត់លេខ១បានទៅអាមេរិកដោយឈ្នះមេដាយមាស៣៩គ្រឿង ប្រាក់៤១គ្រឿង និងសំរឹទ្ធ៣៣គ្រឿង ហើយចិនឈរនៅលេខ២ជាមួយនឹងមេដាយមាស៣៨គ្រឿង ប្រាក់៣២គ្រឿង និងសំរឹទ្ធ១៨គ្រឿង៕

ប្រែសម្រួល៖ វីរបុត្រ
ប្រភព៖ AFP

Related Topics:ព្រឹត្តិការណ៍កីឡាអូឡាំពិក