កីឡា
អតីតគ្រូជំនួយសាលាបាល់ទាត់ជាតិបាទី ពេញចិត្តចំពោះឈុត U-23 កម្ពុជា ទៅស៊ីហ្គេមមិនមានកីឡាករលើសអាយុ
អតីតគ្រូជំនួយនៃក្រុមសាលាបាល់ទាត់ជាតិបាទី លោក សាប៊ូន វិនតា បានសម្ដែងការពេញចិត្តចំពោះឈុតជម្រើសជាតិកម្ពុជា អាយុក្រោម ២៣ ឆ្នាំ ដែលពុំប្រើប្រាស់កីឡាករលើសអាយុ ទៅប្រកួតស៊ីហ្គេមនៅវៀតណាម ដ្បិតនេះជាគោលដៅដែលលោកធ្លាប់បានរួមចំណែកជាមួយ កាលពីនៅសាលាបាល់ទាត់បាទី។
ជម្រើសជាតិកម្ពុជាអាយុក្រោម ២៣ ឆ្នាំ បានកោះហៅកីឡាករ ២៦ នាក់មករួមក្រុម ត្រៀមចេញទៅប្រកួតស៊ីហ្គេម លើកទី ៣១ នៅប្រទេសវៀតណាម នាខែក្រោយ ខណៈកូនសិស្សរបស់លោកដែលធ្លាប់ស្ថិតក្រោមការហ្វឹកហាត់ជាមួយលោកក៏មានមួយចំនួនជាប់ឈ្មោះក្នុងបញ្ជី ២៦ នាក់នេះផងដែរ។
ជុំវិញការជ្រើសរើសកីឡាករនេះ លោក សាប៊ូន វិនតា បានប្រាប់ ‘កម្ពុជាថ្មី’ ដូច្នេះថា៖ «តាមការយល់ឃើញរបស់ខ្ញុំផ្ទាល់ ក្រុមជម្រើសជាតិ U-23 កម្ពុជាយើង ដែលអត់មានកីឡាករលើសអាយុចូលរួមជាមួយនេះ វាអាចក្លាយទៅជាផលវិជ្ជមានមួយសម្រាប់ការផ្ដល់ឱកាសដល់កីឡាករដែលត្រូវអាយុទទួលបានការប្រកួតប្រជែងខ្ពស់មួយនៅក្នុងព្រឹត្តិការណ៍នេះ និងវិវឌ្ឍន៍គុណផលនៃការលេងរបស់គេឲ្យបានមួយកម្រិតទៀត។»
«អ្វីដែលពិសេសគឺជាការត្រៀមស៊ីហ្គេម ២០២៣ ដែលជាគោលដៅចម្បងមួយរបស់បាល់ទាត់ជាតិកម្ពុជាយើង អ៊ីចឹងសម្រាប់ការជ្រើសរើសរបសក្រុមការងារជម្រើសជាតិ ខ្ញុំពេញចិត្តសម្រាប់សម្រេចចិត្តការជ្រើសរើសកីឡាករដែលត្រូវអាយុក្នុងការចូលរួមស៊ីហ្គេម នៅប្រទេសវៀតណាម មួយនេះ។» នាយកអភិវឌ្ឍយុវជនរបស់ក្លិបបឹងកេតរូបនេះ បានបញ្ជាក់។
គួររំឮកដែរថា តាមគម្រោងកម្ពុជា នឹងជម្រុះកីឡាករ ២៦ នាក់ មកនៅត្រឹម ២០ នាក់ ដើម្បីចាកចេញទៅប្រទេសវៀតណាម នាថ្ងៃទី ០៤ ខែឧសភា ឆ្នាំ ២០២២ គឺ ២ ថ្ងៃមុនវិញ្ញាសាបាល់ទាត់បុរសចាប់ផ្ដើម ប៉ុន្តែកម្ពុជា ប្រកួតបើកឆាកនៅថ្ងៃទី ០៩។
ក្រុមបាល់ទាត់ជម្រើសជាតិកម្ពុជាអាយុក្រោម ២៣ ឆ្នាំ ត្រូវបានចាប់ឆ្នោតស្ថិតទៅពូល B សម្រាប់ប្រភេទកីឡាបាល់ទាត់លើវិញ្ញាសាបាល់ទាត់បុរស ក្នុងព្រឹត្តិការណ៍កីឡាអាស៊ីអាគ្នេយ៍ លើកទី ៣១ នៅប្រទេសវៀតណាម ដោយរួមពូលជាមួយក្រុមថៃ, ម៉ាឡេស៊ី, សិង្ហបុរី និងឡាវ៕
អត្ថបទ៖ មន្នីរ័ត្ន
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៥ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ