កីឡា

លោក Honda ផ្ដាំកូនក្រុម U-23 កម្ពុជា កុំឱ្យបន្ធូរអារម្មណ៍ពេក ពេលប្រកួតស៊ីហ្គេម នៅវៀតណាម

បានផុស

៤ years មុន

នៅ

ថ្ងៃព្រហស្បតិ៍ ៥ ឧសភា ២០២២

ដោយ

អ្នកចាត់ការក្រុមជម្រើសជាតិកម្ពុជា អាយុក្រោម ២៣ឆ្នាំ លោក Keisuke Honda បានផ្ដាំកូនក្រុមរបស់ខ្លួន កុំឱ្យបន្ធូរអារម្មណ៍ពេក នៅក្នុងការប្រកួតកីឡាអាស៊ីអាគ្នេយ៍ លើកទី ៣១ នៅប្រទេសវៀតណាម នាប៉ុន្មានថ្ងៃខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើកឡើងដូច្នេះ គឺនៅមុនពេលដឹកនាំក្រុមហ្វឹកហាត់លើកដំបូង ចាប់តាំងពីទៅដល់ប្រទេសវៀតណាម ខណៈក្រុមទាំងមូលបានសម្រាកបានយ៉ាងល្អកាលពីម្សិលមិញ ដោយ U-23 កម្ពុជា ត្រូវស្ថិតនៅពូល B ជាមួយ ថៃ, ម៉ាឡេស៊ី, សិង្ហបុរី និងឡាវ។

លោក Keisuke Honda ប្រាប់ទៅកាន់កូនក្រុមបែបនេះ គឺដោយសារតែកម្មវិធីប្រកួត មានភាពមមាញឹកពោល គឺត្រូវលេងរហូតដល់ទៅ ៤ ប្រកួត ក្នុងរយៈពេល ៨ ថ្ងៃ ដែលជាហេតុត្រូវការឱ្យកីឡាករទាំងអស់ អាចលេងបានគ្រប់ៗគ្នាហើយជាពិសេសកុំឱ្យមានការបន្ធូរអារម្មណ៍ខ្លាំងពេក។

ជាការពិតណាស់ U-23 កម្ពុជា ត្រូវប្រកួតដល់ទៅ ៤ ប្រកួត ក្នុងរយៈពេលត្រឹមតែ ៨ ថ្ងៃ ពោលគឺបើកឆាកគឺនៅថ្ងៃទី ០៩ ខែឧសភា ដោយត្រូវជួបឡាវ បន្ទាប់មកនៅថ្ងៃទី ១១ ជួបសិង្ហបុរី ថ្ងៃទី ១៤ ជួបថៃ និងប្រកួតចុងក្រោយជួប ម៉ាឡេស៊ី នៅថ្ងៃទី ១៦ ខែឧសភា ឆ្នាំ ២០២២។

លើសពីនេះទៅទៀតប្រសិនបើ កម្ពុជា បានកៅអីវគ្គពាក់កណ្ដាលផ្ដាច់ព្រ័ត្រទៀតនោះ ចំនួនប្រកួតនឹងកើនដល់ ២ ប្រកួតបន្ថែមទៀត ដែលនាំសម្រាកបាន ២ ថ្ងៃប៉ុណ្ណោះ ដ្បិតការប្រកួតវគ្គពាក់កណ្ដាលផ្ដាច់ព្រ័ត្រត្រូវធ្វើនៅថ្ងៃទី ១៩ និងបន្ទាប់មកវគ្គផ្ដាច់ព្រ័ត្រ ជាមួយវគ្គដណ្ដើមមេដាយសំរឹទ្ធ ត្រូវធ្វើនៅថ្ងៃទី២ ២ ខែឧសភា ឆ្នាំ ២០២២៕

អត្ថបទ៖ មន្នីរ័ត្ន

Related Topics:លោក Keisuke Honda