កីឡា

លោក Honda ជឿជាក់ថា កម្ពុជាអាចធ្វើបានថ្ងៃនេះ

បានផុស

៣ years មុន

នៅ

ថ្ងៃអង្គារ ១៧ តុលា ២០២៣

ដោយ

អតីតគ្រូបង្វឹកក្រុមបាល់ទាត់ជម្រើសជាតិកម្ពុជា លោក Keisuke Honda ជឿជាក់លើក្រុមបាល់ទាត់ជម្រើសជាតិកម្ពុជាអាចធ្វើបានសម្រាប់ការប្រកួតជាមួយ ប៉ាគីស្ថាន ជើងទី២ វគ្គជម្រុះជុំ១ ជើងឯកពិភពលោកឆ្នាំ២០២៦ វេលាម៉ោង៤រសៀល ថ្ងៃទី១៧ ខែតុលានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីលទ្ធផលស្មើគ្នា ០-០ ក្នុងជើងទី១នៅរាជធានីភ្នំពេញ កាលពីថ្ងៃទី១២ ខែតុលា កន្លងទៅ ក្រុមកម្ពុជាត្រូវធ្វើការកាន់តែធ្ងន់ថែមទៀតនៅពេលប្រកួតលើទឹកដីរបស់ប៉ាគីស្ថានក្នុងជើងទី២។ កាលពីជើងទី១ អ្នកគាំទ្រឃើញច្បាស់ហើយថា ប៉ាគីស្ថាន បានប្រើក្បាច់ការពារយ៉ាងល្អដោយមិនភ្លាត់ឲ្យកម្ពុជាបំប៉ោងសំណាញ់ទីរបស់ខ្លួនបានឡើយ។

ក្រៅពីការការពារបានល្អ ប៉ាគីស្ថាន ក៏ប្រើទម្រង់វាយបកដ៏គ្រោះថ្នាក់ផងដែរ ហើយការលេងក្នុងដីរបស់ខ្លួនរឹតតែធ្វើឲ្យក្រុមមួយនេះមានទំនុកចិត្តក្នុងការស្វែងរកជ័យជម្នះលើកម្ពុជា។ ក្នុងប្រវត្តិជួបគ្នា៤លើកគិតទាំងកាលពីថ្ងៃទី១២ ខែតុលា ប៉ាគីស្ថាន មិនធ្លាប់ឈ្នះកម្ពុជាឡើយ។

លោក Felix Dalmas គ្រូបង្វឹកជម្រើសជាតិកម្ពុជាបានលើកឡើងថា ប៉ាគីស្ថាន មានកីឡាករច្រើនមកពីតំបន់អឺរ៉ុប ដូច្នេះហើយបានជាធ្វើឲ្យក្រុមរបស់លោកជួបការលំបាក។ យ៉ាងណា លោកមានទំនុកចិត្តលើកីឡាករកម្ពុជាដែលអាចធ្វើបាន។

លោក Stephen Constantine គ្រូបង្វឹកជម្រើសជាតិប៉ាគីស្ថាន បាននិយាយថា ក្រុមរបស់លោកពិតជារីករាយដែលត្រូវលេងក្នុងផ្ទះរបស់ខ្លួនជាលើកដំបូង បន្ទាប់ពីខកខានអស់រយៈពេល៨ឆ្នាំ។ លោកបានប្តេជ្ញាបង្ហាញមុខមាត់ថ្មីដើម្បីកែប្រែប្រវត្តិសាស្ត្រដែលធ្លាប់មានជាមួយកម្ពុជា។