កីឡា
កម្ពុជា ឈ្នះមេដាយមាស ២គ្រឿងបន្ថែមថ្ងៃនេះ នៅស៊ីហ្គេម លើប្រភេទកីឡាវ៉ូវីណាម និងតេក្វាន់ដូ
អត្តពលិកកម្ពុជា រកមេដាយមាស បាន ២គ្រឿងបន្ថែមទៀតហើយ ក្នុងប្រភេទកីឡាវ៉ូវីណាម និងកីឡាតេក្វាន់ដូ WT សម្រាប់ព្រឹត្តិការណ៍ស៊ីហ្គេម លើកទី៣១ ឆ្នាំ២០២២ នៅប្រទេសវៀតណាម នៅថ្ងៃទី១៨ ខែឧសភា នេះ។
មេដាយមាស ទី១ ដែលរកបានបន្ថែម គឺលើកីឡាវ៉ូវីណាម វិញ្ញាសាសម្ដែងការពារខ្លួនចម្រុះ នារី១ បុរស៣ មានអាវុធ ជាមួយនឹងពិន្ទុ២៦៩ ដាច់លេខ២ ម្ចាស់ផ្ទះ និងជាម្ចាស់ក្បាច់គុន ទទួលបាន ២៦៤ពិន្ទុ ខណៈលេខ៣ បានទៅម៉ាឡេស៊ី រកបាន ២៥៧ពិន្ទុ, លេខ៤ មីយ៉ាន់ម៉ា រកបាន ២៥៦ពិន្ទុ, លេខ៥ ឡាវ រកបាន ២៥៤ពិន្ទុ និងលេខ៦ ថៃ រកបាន ២៥១ពិន្ទុ។ ជាមួយគ្នាក៏មានមេដាយប្រាក់ ១ទៀតលើកីឡានេះដូចគ្នា ឈ្នះដោយកីឡាការិនី សុខ សុភី ទទួលបានលើវិញ្ញាសាប្រយុទ្ធនារី ៥៥គីឡូក្រាម ស្របពេលកីឡាករិនី ប៉ាល់ ឆរស្មុី រួមជាមួយ កីឡាការិនី ពៅសុខា ទទួលបានមេដាយសំរិទ្ធ វិញ្ញាសាសម្ដែងការពារខ្លួន នារីគូ ផងដែរ។ ដូច្នេះវ៉ូវីណាម ថ្ងៃនេះ ឈ្នះមេដាយមាស១ ប្រាក់១ និងសំរឹទ្ធ១។
ដោយឡែកមេដាយមាសទី២ គឺលើប្រភេទកីឡាតេក្វាន់ដូ WT ដោយកីឡាករ វ៉ា មិថុនា ឈ្នះលើប្រភេទវិញ្ញាសាបុរស Kyorugi ទម្ងន់ក្រោម ៧៤គីឡូក្រាម ក្រោយផ្ដួលកីឡាករហ្វីលីពីនដាច់ពិន្ទុ ១៤-៣៥។ ជាមួយគ្នាផងដែរកីឡាការិនី ឈឿង អាលីហ្សា ក៏បានឈ្នះមេដាយសំរឹទ្ធផងដែរ លើប្រភេទកីឡាតេក្វាន់ដូ WT វិញ្ញាសានារី Kyorugi ទម្ងន់ក្រោម ៥៧គីឡូក្រាម។
លើសពីនេះក៏មានកីឡា ១ផ្សេងទៀតរកមេដាយសំរឹទ្ធ ២បន្ថែមឱ្យកម្ពុជា គឺកីឡាចំបាប់ ដោយកីឡាការិនីចំបាប់កម្ពុជា ជា កញ្ញា ទទួលបានមេដាយសំរឹទ្ធ ក្នុងទម្ងន់ ៦២គីឡូក្រាម និងកីឡាការិនី ឌិត សំណាង ទទួលបានមេដាយសំរឹទ្ធ ក្នុងទម្ងន់ ៥០គីឡូក្រាម។
ដូច្នេះគិតត្រឹមថ្ងៃនេះ កម្ពុជា ឈ្នះមេដាយសរុប ២៤គ្រឿងហើយ ក្នុងនោះមាស ៤គ្រឿង ប្រាក់ ៦គ្រឿង និងសំរឹទ្ធ ១៤គ្រឿង។
មេដាយមាស៤ លើប្រភេទកីឡាឃីកបុកស៊ីង, កីឡាប៊ូល និងប៉េតង់, កីឡាវ៉ូវីណាម និងកីឡាតេក្វាន់ដូ WT, ខណៈមេដាយប្រាក់ ៦ លើកីឡាឃីកបុកស៊ីង, កីឡាប៊ូល និងប៉េតង់, កីឡាតេក្វាន់ដូ WT និងកីឡាវ៉ូវីណាម ស្របពេលដែលមេដាយសំរឹទ្ធ១៤ មាននៅលើកីឡាឃីកបុកស៊ីង ១, កីឡាប្រណាំងទូក ១, កីឡាប៊ូល និងប៉េតង់ ៣, កីឡាជឺជីតស៊ូ ១, កីឡាវូស៊ូ ៣, កីឡាតេក្វាន់ដូ WT ២, កីឡាវ៉ូវីណាម ១ និងកីឡាចាំបាប់ ២៕
អត្ថបទ ៖ មន្នីរ័ត្ន
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៧ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ