កីឡា
មកស្គាល់ក្រុមលីគទី២ ម៉ាឡេស៊ី ដែលព្រះខ័នរាជស្វាយរៀង ត្រូវប្រកួតជាមួយល្ងាចនេះ
ក្លិបបាល់ទាត់ព្រះខ័នរាជស្វាយរៀង នឹងបន្តការប្រកួតចុងក្រោយរបស់ខ្លួនល្ងាចនេះទល់នឹងក្លិប UiTM FC ក្នុងជំនួបមិត្តភាពអន្តរជាតិកម្ដៅសាច់ដុំ នាប្រទេសម៉ាឡេស៊ី។
មុនការប្រកួតមកដល់ ‘កម្ពុជាថ្មី’ សូមធ្វើការបង្ហាញប្រវត្តិក្លិប UiTM FC ដែលព្រះខ័នរាជស្វាយរៀង ត្រូវតតាំងលើកដំបូងក្នុងប្រវត្តិសាស្ត្ររបស់ក្លិបទាំងពីរ។
ក្លិប UiTM FC ត្រូវបានបង្កើតឡើងនៅឆ្នាំ២០០៨ មានមូលដ្ឋាននៅរដ្ឋ Selangor មានចម្ងាយប្រមាណ៣០គីឡូម៉ែត្រពីទីក្រុង Kuala Lumpur។
បង្កើតឡើងក្នុងឆ្នាំ២០០៨ ក្លិប UiTM FC បានបង្ហាញខ្លួនជាលើកដំបូងក្នុងក្របខណ្ឌបាល់ទាត់ម៉ាឡេស៊ី ដោយចូលរួមជាមួយលីគលំដាប់ទី៣ (Malaysia FAM League) ក្នុងឆ្នាំ២០០៩។ ក្លិបបានបញ្ចប់ក្នុងចំណាត់ថ្នាក់លេខ៣ ក្នុងឆ្នាំ២០១២ ហើយត្រូវបានដំឡើងទៅលីគលំដាប់ទី២ (Malaysia Premier League) ក្នុងឆ្នាំ២០១៣។ ដោយជំនួសក្លិប USM FC ដែលបានដកខ្លួនចេញដោយសារបញ្ហាហិរញ្ញវត្ថុ។
នៅរដូវកាល២០១៩ ក្លិប UiTM FC ទទួលបានចំណាត់ថ្នាក់លេខ៥ ក្នុងលីគទី២។ ទោះបីជាយ៉ាងណាក៏ដោយ ដោយសារតែបញ្ហារបស់ក្លិប PKNS FC ពួកគេក៏ទទួលបានឱកាសរបស់ខ្លួនដើម្បីឡើងទៅលេងក្នុងលីគកំពូល (Malaysia Super League 2020) ជាលើកដំបូងសម្រាប់ក្លិបចាប់តាំងពីបង្កើតមក។ បន្តនៅលីគកំពូលបាន ២រដូវកាល រហូតដល់រដូវកាល២០២១ បានធ្លាក់មកលីគទី២ វិញ ដែលកំពុងប្រកួតនៅពេលបច្ចុប្បន្ននេះ។
ក្រុមនេះស្ថិតនៅក្រោមការគ្រប់គ្រងរបស់សាកលវិទ្យាល័យមួយ (Universiti Teknologi MARA) ដែលជាសាកលវិទ្យាល័យរដ្ឋរបស់ប្រទេសម៉ាឡេស៊ី មានមូលដ្ឋាននៅ Shah Alam, Selangor។
សូមបញ្ជាក់ថា ព្រះខ័នរាជស្វាយរៀង ដែលត្រូជួបជាមួយក្រុម UiTM FC នៃលីគទី២ ម៉ាឡេស៊ី នឹងធ្វើឡើងនាវេលាម៉ោង ៤:០០ល្ងាច (ម៉ោងនៅកម្ពុជា)៕
អត្ថបទ៖ មន្នីរ័ត្ន
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៣ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ