កីឡា
អ្នកគាំទ្របាល់ទាត់ឥណ្ឌូនេស៊ី ជាន់គ្នាស្លាប់ ខណៈពេលការប្រកួតពានរង្វាន់ President’s Cup
អ្នកគាំទ្របាល់ទាត់ឥណ្ឌូនេស៊ី ២ នាក់ បានស្លាប់ដោយសារចំនួនអ្នកចូលទស្សនាកកកុញ ក្នុងកីឡដ្ឋានអំឡុងការប្រកួតពានរង្វាន់ President’s Cup រវាងក្លិប Persib Bandung ជាមួយក្លិប Persebaya Surabaya នៅកីឡដ្ឋាន Gelora Bandung Lautan Api (GBLA) ក្នុងទីក្រុង Bandung កាលពីថ្ងៃសុក្រទី១៧ ខែមិថុនា ឆ្នាំ ២០២២ កន្លងទៅថ្មីៗនះ។
យោងតាមការប៉ាន់ប្រមាណដំបូង មានមនុស្សរហូតដល់ ៤៥,០០០ នាក់ បានចូលទីលាន ខណៈដែលសមត្ថភាពរបស់កីឡដ្ឋាន Gelora Bandung Lautan Api មានត្រឹមតែ ៣៨,០០០ កៅអីប៉ុណ្ណោះ។ ថ្វីត្បិតតែផ្ទុកលើសទម្ងន់ក៏ដោយ ក៏អ្នកគាំទ្ររាប់ពាន់នាក់នៅតែព្យាយាមស្វែងរកផ្លូវចូលទីលានគ្រប់វិធីទាំងអស់។ ទិដ្ឋភាពដ៏ចលាចលនេះ ពិតជាបានកើតឡើងជនជ្រុលនិយមជាច្រើនបានព្យាយាមវាយបំបែក និងរុញគ្នាដើម្បីចូលខាងក្នុង។
អ្នកគាំទ្របាល់ទាត់ទាំង ២ នាក់នោះ គឺជាអ្នកគាំទ្ររបស់ក្លិប Persib Bandung។ អ្នកនាំពាក្យប៉ូលិស Java ខាងលិច លោកស្នងការប៉ូលិស Ibrahim Topo បានបញ្ជាក់ថា ព័ត៌មានដែលថា បុរសទាំង ២នាក់បានស្លាប់ ដោយសារការជាន់គ្នាក្នុងអំឡុងពេលកុបកម្ម គឺជាការពិត។ ក្រុមអ្នកគាំទ្រ Persib បាននិយាយថា សមាជិកនៃអ្នកគាំទ្ររបស់ខ្លួន ពីរនាក់ដែលបានស្លាប់គឺ មានឈ្មោះ Sopiana Yusuf និង Ahmad Solihin។
ទាក់ទងនឹងសោកនាដកម្មនេះ អ្នកជំនាញផ្នែកច្បាប់កីឡា Eko Noer Kristiyanto ឬគេស្គាល់ថា Eko Maung បាននិយាយថា ប្រសិនបើមានការធ្វេសប្រហែសពីភាគីម្ខាង វានឹងចាត់ការតាមផ្លូវច្បាប់។ Eko វាយតម្លៃថា គណៈកម្មការរៀបចំការប្រកួតរបស់ក្លិប Persib មានការធ្វេសប្រហែស បណ្ដាលឲ្យបាត់បង់ជីវិតមុស្ស ២នាក់។
គួរដឹងថា ឥណ្ឌូនេស៊ី គឺជាប្រទេសដែលត្រូវបានគេចាត់ទុកថាអ្នកគាំទ្របាល់ទាត់មានភាពងុបងុលខ្លាំង ដែលតែងតែពុះកញ្ជ្រោល ជាមួយការប្រកួតបាល់ទាត់ក្នុងស្រុក ជារៀងរាល់ឆ្នាំ៕
អត្ថបទ៖ មន្នីរ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ