កីឡា
កីឡាករវៀតណាម Nguyen Quang Hai នឹងទទួលបានប្រាក់បៀវត្សជាង ២០ ម៉ឺនដុល្លារក្នុងមួយឆ្នាំ នៅលីគទី ២ បារាំង
ក្លិប Pau FC នៃលីគទី២បារាំង (Ligue 2) បានប្រកាសជាផ្លូវការ ពីការនាំចូលកីឡាករវៀតណាម Nguyen Quang Hai ជាមួយនឹងកិច្ចសន្យារយៈពេល ២ ឆ្នាំ បន្ទាប់ពីរូបគេឆ្លងកាត់ការធ្វើតេស្តសុខភាពដោយជោគជ័យ។
កាលពីថ្ងៃទី ២៩ ខែមិថុនា ខ្សែបម្រើជម្រើសជាតិវៀតណាម Nguyen Quang Hai បានចាប់ផ្តើមក្រុមថ្មីនៅប្រទេសបារាំង។ គេនឹងទទួលបានអាវលេខ ១៩ បន្ទាប់ពីបញ្ចប់ការពិនិត្យសុខភាព។ រយៈពេលនៃកិច្ចសន្យាមានសុពលភាពរយៈពេលលើសពី ២ ឆ្នាំជាមួយនឹងជម្រើសក្នុងការបន្តបន្ថែមទៀតផងដែរ។ Quang Hai នឹងចាប់ផ្តើមស៊ាំនឹងអ្វីថ្មីៗនៅក្លិបនេះ។ គេនឹងមានពេលវេលាដើម្បីសម្របខ្លួនទៅនឹងបរិយាកាសថ្មី រួមបញ្ចូលជាមួយមិត្តរួមក្រុមថ្មីជាលើកដំបូងនៅបរទេសក្នុងអាជីពថ្មីរបស់ខ្លួន។ កីឡាករវៀតណាមរូបនេះ កំពុងរៀនភាសាបារាំង និងស្នាក់នៅប្រទេសបារាំងតែម្នាក់ឯង ប៉ុន្តែគេនៅតែត្រូវការអ្នកបកប្រែក្នុងអំឡុងពេលប៉ុន្មានខែដំបូងនៅ Pau។ ប្រាក់ខែរបស់ Quang Hai នៅក្លិប Pau ត្រូវបានប្រភពនិយាយថា នឹងទទួលបានប្រាក់ខែប្រចាំ ឆ្នាំប្រហែល €២០០,០០០ ទៅ ៣០០,០០០ (ប្រហែល $២១០,០០០ ទៅ $៣១៥,០០០)។
Nguyen Quang Hai កើតនៅឆ្នាំ ១៩៩៧ ធំដឹងក្តីពីក្លិប Hanoi FC។ គេបានលេង ៧ រដូវកាលសម្រាប់ក្រុមប្រចាំរាជធានី (២០១៦-២០២២) មួយនេះ។ ខ្សែបម្រើរូបនេះ ឈ្នះពានទាំងសម្រាប់ក្លិប និងឯកត្តជន ជាមួយក្លិប និងក្រុមជម្រើសជាតិវៀតណាម ដូចជាជើងឯក V.League ជើងឯកប្រចាំតំបន់អាស៊ាន (AFF Cup) មេដាយមាស ស៊ីហ្គេម។ គេក៏បានឈ្នះពាន Vietnam Ballon d’Or កាលពីឆ្នាំ២០១៨ ផងដែរ។
លីគទី ២ បារាំង (Ligue 2) រដូវកាល ២០២២/២៣ នឹងចាប់ផ្តើមពីថ្ងៃទី ៣០ ខែកក្កដា ដល់ថ្ងៃទី ០៣ ខែមិថុនា ឆ្នាំ ២០២៣។ លីគក្របខ័ណ្ឌលំដាប់ទីពីររបស់បារាំងនេះ នឹងមាន ២០ ក្រុមចូលរួម ប្រកួតប្រជែងយក ២ ក្រុមឡើងទៅលីគកំពូល (Ligue 1)។ កាលពីរដូវកាលមុន Pau FC ឈរនៅលេខ ១០ ពាក់កណ្ដាលតារាង៕
អត្ថបទ៖ មន្នីរ័ត្ន
-
ព័ត៌មានជាតិ៤ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ៤ ថ្ងៃ agoក្រសួងមហាផ្ទៃទាត់ចោលការផ្សាយថា កម្ពុជាឲ្យជនជាតិអាហ្វ្រិកដែលផុតកំណត់ ត្រូវចាកចេញមុនថ្ងៃទី៣១ ខែឧសភា ឆ្នាំ២០២៦
-
ព័ត៌មានជាតិ៤ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ១ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ៥ ថ្ងៃ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
សេដ្ឋកិច្ច១ សប្តាហ៍ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
សន្តិសុខសង្គម៣ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
ព័ត៌មានអន្ដរជាតិ៦ ថ្ងៃ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស