កីឡា
Suarez ប្រកាសចូលនិវត្តន៍ពីជម្រើសជាតិអ៊ុយរូហ្គាយ ក្រោយចាយពេល១៧ឆ្នាំ
កីឡាករ Luis Suarez បានប្រកាសចូលនិវត្តន៍ពីក្រុមបាល់ទាត់ជម្រើសជាតិអ៊ុយរូហ្គាយ ក្រោយចំណាយពេល១៧ឆ្នាំជាមួយក្រុមជម្រើសជាតិ និងស៊ុតបញ្ចូលទីបានចំនួន៦៩គ្រាប់។
កីឡាករវ័យ៣៧ឆ្នាំ Luis Suarez បានបង្ហាញខ្លួន១៤២ប្រកួតក្នុងក្រុមជម្រើសជាតិអ៊ុយរូហ្គាយ គិតចាប់តាំងពីឆ្នាំ២០០៧។ សមិទ្ធផលធំរបស់ Suarez គឺជួយឲ្យក្រុមជម្រើសជាតិអ៊ុយរូហ្គាយឈានដល់វគ្គពាក់កណ្តាលផ្តាច់ព្រ័ត្រជើងឯកពិភពលោកឆ្នាំ២០១០ និងបានឈ្នះពានរង្វាន់ Copa America ឆ្នាំ២០១១។ Luis Suarez ជាកីឡាករតែម្នាក់គត់ដែលរកគ្រាប់បានច្រើនជាងក្នុងក្រុមជម្រើសជាតិអ៊ុយរូហ្គាយ។
កីឡាករ Luis Suarez បាននិយាយថា ៖«ថ្ងៃសៅរ៍នឹងក្លាយជាការប្រកួតចុងក្រោយរបស់ខ្ញុំជាមួយក្រុមជម្រើសជាតិ។ ការពិតនោះគឺជាការសម្រេចចិត្តរបស់ខ្ញុំក្នុងការចូលនិវត្តន៍ ហើយខ្ញុំមិនបានចូលនិវត្តន៍ដោយសារតែរបួស ឬដោយសារថាពួកគេឈប់កោះហៅខ្ញុំទេ»។
ក្រុមអ៊ុយរូហ្គាយនឹងត្រូវជួបក្រុមប៉ារ៉ាហ្គាយ នៅកីឡដ្ឋាន Centenario ក្នុងទីក្រុង Montevideo នៅថ្ងៃសៅរ៍ទី៧ ខែកញ្ញា នាវេលាម៉ោង៦:៣០ព្រឹក ក្នុងវគ្គជម្រុះនៅអាមេរិកខាងត្បូង សម្រាប់ការប្រកួត World Cup ឆ្នាំ២០២៦ មុនពេលប៉ះក្រុមវេណេស៊ុយអេឡា នៅ៤ថ្ងៃបន្ទាប់។ ចំពោះការលេងឲ្យក្លិបអាជីពវិញ Luis Suarez ក៏លើកឡើងថាក្លិប Inter Miami ជាក្លិបចុងក្រោយ៕
ប្រែសម្រួល៖ ផា រតនា
-
ព័ត៌មានជាតិ១ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៧ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ៧ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៥ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ