Connect with us

កីឡា

ថ្ងៃ​​នេះ​ រដ្ឋ​​មន្ត្រី​​ការ​​បរទេស​​រុស្ស៊ី​ Lavrov ធ្វើ​​ទស្សនកិច្ច​នៅ​​វៀតណាម​​​ មុន​​​ចូល​​រួម​​ប្រជុំ​ G20

បានផុស

នៅ

រដ្ឋ​មន្ត្រី​ក្រសួង​ការ​បរទេស​រុស្ស៊ី លោក Sergei Lavrov ធ្វើ​ដំណើរ​មក​​កាន់​ទី​ក្រុង​ហាណូយ ប្រទេស​វៀតណាម ​ថ្ងៃ​ទី​៥ ខែ​កក្កដា ឆ្នាំ​២០២២​នេះ​​​ក្នុង​ដំណើរ​ទស្សនកិច្ច​រយៈ​ពេល​២​ថ្ងៃ​មុន​ពេល​ចូល​រួម​កិច្ច​ប្រជុំ G20 នា​ចុង​សប្តាហ៍​នេះ នៅ​ប្រទេស​ឥណ្ឌូណេស៊ី។

រដ្ឋាភិបាល​វៀតណាម​បាន​និយាយ​ក្នុង​សេចក្តី​ថ្លែង​ការណ៍​មួយ​ថា ដំណើរ​ទស្សនកិច្ច​​តាម​​ការ​អញ្ជើញ​របស់​រដ្ឋ​មន្ត្រី​ក្រសួង​ការ​បរទេស​វៀតណាម លោក Bui Thanh Son ​បាន​ធ្វើ​ឡើង​ស្រប​​ពេល​ប្រទេស​ទាំង​ពីរ​ប្រារព្ធ​ខួប​លើក​ទី​១០​នៃ​ភាព​ជា​ដៃ​គូ​យុទ្ធសាស្ត្រ​ទូលំទូលាយ។

លោក Sergei Lavrov
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រុស្ស៊ី​ជា​អ្នក​ផ្គត់​ផ្គង់​អាវុធ​ធំ​ជាង​គេ​បំផុត​របស់​ប្រទេស​វៀតណាម ហើយ​ក្រុម​ហ៊ុន​របស់​ខ្លួន​ក៏​ពាក់​ព័ន្ធ​នឹង​គម្រោង​ថាមពល​ធំ​ៗ​ជា​ច្រើន​នៅ​​វៀតណាម។ ប្រទេស​ទាំង​ពីរ​​មាន​ទំនាក់​ទំនង​ជិត​ស្និទ្ធ​តាំង​ពី​សម័យ​កាល​សហភាព​សូវៀត ហើយ​វៀត​ណាម​​មិន​បាន​ថ្កោល​ទោស​ពី​ការ​វាយ​ប្រហារ​របស់​រុស្ស៊ី​នៅ​ប្រទេស​អ៊ុយក្រែន​ឡើយ។

កាល​ពី​ខែ​មេសា វៀតណាម បាន​បោះ​ឆ្នោត​ប្រឆាំង​នឹង​ដំណោះ​ស្រាយ​ព្យួររុស្ស៊ី​ពី​ក្រុម​ប្រឹក្សា​សិទ្ធិ​មនុស្ស​​អង្គការ​សហ​ប្រជា​ជាតិ​ជុំ​វិញ​សង្គ្រាម​នៅ​អ៊ុយក្រែន។

យោង​តាម​សេចក្តី​ថ្លែង​ការណ៍​​ថា ពាណិជ្ជកម្ម​រវាង​វៀតណាម និង​រុស្ស៊ី​បាន​កើន​ឡើង​២៥​%​​កាល​ពី​ឆ្នាំ​មុន​ដែល​មាន​ទឹក​ប្រាក់​៧.១​ពាន់​លាន​ដុល្លារ​អាមេរិក។

លោក Lavrov ​នឹង​ចូល​រួម​កិច្ច​ប្រជុំ​ថ្នាក់​រដ្ឋ​មន្ត្រី​ការ​បរទេស​នៃ​ក្រុម​ប្រទេសអំណាច​សេដ្ឋកិច្ច​​ធំ​បំផុត​​ទាំង​២០ (G20) ​ដែល​គ្រោង​នឹង​រៀប​ចំ​នៅកោះ Bali ប្រទេស​ឥណ្ឌូណេស៊ី ចុង​សប្តាហ៍​នេះ៕

ប្រែ​សម្រួល៖ វីរបុត្រ
ប្រភព៖ Reuters

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម