កីឡា

កម្ពុជា កំពុងប្រកួតក្នុងព្រឹត្តិការណ៍កីឡាសាកលវិទ្យាល័យអាស៊ាន នៅប្រទេសថៃ

បានផុស

២ years មុន

នៅ

ថ្ងៃពុធ ២៧ កក្កដា ២០២២

ដោយ

កម្ពុជា បាននិងកំពុងចូលរួមប្រកួតព្រឹត្តិការណ៍កីឡាសាកលវិទ្យាល័យអាស៊ាន (ASEAN University Games) លើកទី២០ ដែលប្រព្រឹត្តនៅសាកលវិទ្យាល័យ Ubon Ratchathani Rajabhat នៃខេត្ត Ubon Ratchathani ចន្លោះពីថ្ងៃទី ២៦ ខែកក្កដា ដល់ថ្ងៃទី ០៦ ខែសីហា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្តពលិកកម្ពុជា មាន ៤៨ នាក់ចូលរួមលើ ៥ ប្រភេទកីឡារួមមាន ប៉េតង់, តេក្វាន់ដូ, អត្តពលកម្ម, ការ៉ាតេ និងគុនដាវ ខណៈនៅថ្ងៃនេះ កីឡាដែលកម្ពុជាចូលរួម បានចាប់ផ្ដើមប្រកួតជាបណ្ដើៗហើយនៅថ្ងៃនេះ នោះគឺកីឡាអត្តពលកម្ម និងការ៉ាតេ។

ឯកឧត្តម ស សុខា រដ្ឋលេខាធិការក្រសួងអប់រំ យុវជន និងកីឡា និងជាប្រធានសហព័ន្ធកីឡាសាកលវិទ្យាល័យកម្ពុជា បានបង្ហាញអំពីការទៅប្រកួតនេះថា៖ «ទោះបីជាយើងបានកាត់បន្ថយចំនួនអត្តពលិកពី ៧៧ នាក់ មកនៅត្រឹម ៤៨ នាក់ក៏ដោយ ក៏យើងនៅតែសង្ឃឹមថាលទ្ធផលនឹងល្អ។ ហើយចង់បញ្ចប់កុំឱ្យលើសពីលេខ ៦ ក្នុងចំណោម ១០ ប្រទេស បើធ្វើបានល្អ គឺជាការប្រសើរ។ ប៉ុន្តែប្រសិនបើវាអាក្រក់បំផុតរក្សាចំណាត់ថ្នាក់លេខ ៧ វាល្អជាងលើកមុនដែលបានចំណាត់ថ្នាក់លេខ ៨ ទៅទៀត»។

សម្រាប់លទ្ធផលការប្រកួតកីឡាសាកលវិទ្យាល័យអាស៊ានចុងក្រោយ នៅប្រទេសមីយ៉ាន់ម៉ា ក្នុងឆ្នាំ ២០១៨ កម្ពុជាធ្វើបានល្អដោយដណ្តើមបានមេដាយមាស ៥ គ្រឿង មេដាយប្រាក់ ១០ គ្រឿង មេដាយសំរឹទ្ធ ១២ ឈរនៅលេខរៀងទី ៨៕

អត្ថបទ៖ មន្នីរ័ត្ន

Related Topics:កីឡា