កីឡា

កម្ពុជាធ្វើម្ចាស់ផ្ទះមហាសន្និបាតក្រុមប្រឹក្សាអូឡាំពិកអាស៊ីមានភ្ញៀវអន្តរជាតិ៤០០នាក់

បានផុស

៤ years មុន

នៅ

ថ្ងៃអង្គារ ២៣ សីហា ២០២២

ដោយ

កម្ពុជាបានទទួលភារកិច្ចធំលំដាប់អាស៊ីមួយទៀតសម្រាប់រៀបចំធ្វើមហាសន្និបាតក្រុមប្រឹក្សាអូឡាំពិកអាស៊ី (OCA) លើកទី៤១ ចាប់ពីថ្ងៃទី១ដល់ទី៥ ខែតុលា ឆ្នាំ២០២២ នៅសណ្ឋាគារសុខាភ្នំពេញ ដែលនឹងមានភ្ញៀវជាតិ អន្តរជាតិមកពីប្រមាណ៤៥ប្រទេសចូលរួម។

រូបភាព មហាសន្និបាតក្រុមប្រឹក្សាអូឡាំពិកអាស៊ី កាលពីលើកទី៣៩

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងកិច្ចប្រជុំព្រឹកមិញនៅទីស្នាក់ការគណៈកម្មាធិការជាតិអូឡាំពិកកម្ពុជា ឯកឧត្តម វ៉ាត់ ចំរើន អគ្គលេខាធិការ គណៈកម្មាធិការជាតិរៀបចំការប្រកួតកីឡាស៊ីហ្គេម លើកទី៣២ ឆ្នាំ២០២៣បានឲ្យដឹងថា មហាសន្និបាតក្រុមប្រឹក្សាអូឡាំពិកអាស៊ីនៅកម្ពុជានឹងទទួលបដិសណ្ឋារកិច្ចប្រភិភូកីឡាអន្តរជាតិមកពីពិភពលោក ប្រមាណ ៤០០នាក់។ ប្រតិភូ ថ្នាក់ដឹកនាំ និងសមាជិកក្រុមប្រឹក្សាអូឡាំពិកអាស៊ី ព្រមទាំងប្រធានគណៈកម្មាធិការជាតិអូឡាំពិក៤៥ប្រទេសក្នុងទ្វីបអាស៊ី។

ឯកឧត្តមបញ្ជាក់ថា សម្រាប់រៀបចំមហាសន្និបាតក្រុមប្រឹក្សាអូឡាំពិកអាស៊ីនេះ កម្ពុជាទទួលបានអត្ថប្រយោជន៍ជាច្រើនពីសហគមន៍អន្តរជាតិដូចជា ការជួយផ្សព្វផ្សាយពីបណ្តាញសារព័ត៌មានអន្តរជាតិ ដែលនឹងមកប្រមូលផ្តុំគ្នា នៅទីកន្លែងតែមួយនៃរាជធានីភ្នំពេញ ដើម្បីជួយពង្រីកការផ្សព្វផ្សាយទៅកាន់ពិភពលោក។

កិច្ចប្រជុំក្រុមប្រឹក្សាកីឡាអាស៊ានកន្លងមកនៅភ្នំពេញ

ម្យ៉ាងទៀត នឹងផ្តល់ភាពងាយស្រួលក្នុងការទំនាក់ទំនងគ្នារវាងសហព័ន្ធកីឡាជាតិកម្ពុជានានាជាមួយសហព័ន្ធកីឡាអន្តរជាតិ ចលនាអូឡាំពិកអន្តរជាតិទាំងអស់ ក្នុងគោលបំណងជួយពង្រឹងដល់ការអភិវឌ្ឍវិស័យកីឡាជាតិនៅកម្ពុជាបាន។ ចំណុច១ទៀត គឺនយោបាយការទូតកីឡាកម្ពុជាកាន់តែមានភាពរឹងមាំ ជាពិសេសនឹងជំរុញបន្ថែមដល់ចលនាកីឡាពិភពលោកមើលឃើញពីសក្តានុពលរបស់កម្ពុជាផងដែរ៕

អត្ថបទ៖ វីរបុត្រ

Related Topics:គណៈកម្មាធិការជាតិអូឡាំពិកកម្ពុជា