កីឡា

សង្គ្រាមឈ្លានពានរបស់សៀមមកលើកម្ពុជា ប៉ះពាល់សកម្មភាពកីឡាយ៉ាងណាខ្លះ…

បានផុស

៧ ខែ មុន

នៅ

ថ្ងៃពុធ ៣១ ធ្នូ ២០២៥

ដោយ

អគ្គលេខាធិការ នៃគណៈកម្មាធិការជាតិអូឡាំពិកកម្ពុជា ថាអំឡុងសង្គ្រាមឈ្លានពានរបស់សៀមមកលើកម្ពុជាថ្មីៗនេះចំពោះទំនាក់ទំនងខាងផ្នែកកីឡាពិសេសការប្រកួត ឬការហ្វឹកហាត់ផ្សេងៗគឺមិនអនុញ្ញាតនោះទេប្រទេសទាំងសងខាង ព្រោះបញ្ហាព្រំដែនមិនទាន់បញ្ចប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វ៉ាត់ ចំរើន

លោក វ៉ាត់ ចំរើន អគ្គលេខាធិការ នៃគណៈកម្មាធិការជាតិអូឡាំពិកកម្ពុជា បានឲ្យដឹងថា អំឡុងសង្គ្រាមរបស់សៀមមកលើកម្ពុជាថ្មីៗនេះគឺតែងតែមានការប៉ះពាល់ដល់អារម្មណ៍ប្រជាពលដ្ឋទូទៅ និងផ្នែកកីឡាក៏មានដូចគ្នាដែរ។ ទំនាក់ទំនងរវាង NOCC កម្ពុជាជាមួយខាងប្រសៀមគឺមានជាធម្មតាក្នុងនាមគ្រួសារកីឡាអន្តរជាតិ និងស្មារតីចលនាអូឡាំពិក។

រូបភាព NOCC

យោងតាមស្ថានការណ៍ព្រំដែនជាក់ស្ដែងខាងកម្ពុជាគឺផ្ដោតលើអារម្មណ៍របស់កីឡាករផ្ទាល់ អារម្មណ៍របស់ក្រុមគ្រួសារបារម្ភអំពីសុខសុវត្ថិភាពអំឡុងពេលនេះគឺមិនអនុញ្ញាតឲ្យចូលរួមការប្រកួតផ្សេងៗនោះឡើយ។ ពោលខាងកម្ពុជាមិនទៅចូលរួមរីឯខាងសៀមក៏មិនមកចូលរួមដូចគ្នាដែរ។

រូបភាព NOCC

បញ្ជាក់ដែរថា អំឡុងពេលប៉ុន្មានខែចុងក្រោយនេះបញ្ហាឈ្លានពានរបស់ប្រទេសសៀមមកលើកម្ពុជាមានជាបន្តបន្ទាប់រហូតដល់មានបទឈប់បាញ់ ៧២ម៉ោងកាលពីថ្ងៃ២៧ ខែធ្នូ ឆ្នាំ២០២៥ រហូតមកដល់ពេលនេះ។ ក្នុងអំឡុងការឈ្លានពាននេះខាងកម្ពុជាបានទៅចូលរួមពិធីបើកការប្រកួតស៊ីហ្គេម លើកទី៣៣ នៅឯប្រទេសថៃដែរ ប៉ុន្តែថ្ងៃបន្ទាប់មកក៏ចាកចេញមកកម្ពុជាវិញ ព្រោះតាមបណ្ដោយព្រំដែនកំពុងផ្ទុះអាវុធជាខ្លាំង៕

អត្ថបទដោយ៖ នួន ស៊ីណា