Connect with us

កីឡា

កីឡាករព្រះខ័នរាជស្វាយរៀង ជូ ស៊ិនទី នឹងលេងពានយុវជន AFC ជាលើកទី ២ ក្នុងអាជីពរបស់ខ្លួន

បានផុស

នៅ

សមាជិករបស់ក្លិបបាល់ទាត់ព្រះខ័នរាជស្វាយរៀង ជូ ស៊ិនទី នឹងលេងពានយុវជនអាស៊ីអាយុក្រោម ១៩​ឆ្នាំ (AFC U-19) បច្ចុប្បន្ន​ប្ដូរ​ឈ្មោះ​មកជា AFC U-20 Asian Cup ជាលើកទី ២ ក្នុងអាជីពរបស់ខ្លួន។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​កីឡាករ​វ័យ ១៩​ ឆ្នាំ​រូបនេះ ក៏មាន​ឈ្មោះ​ក្នុង​បញ្ជី ២៣​ នាក់​ ចុងក្រោយ​របស់​ក្រុម​ជម្រើសជាតិ​កម្ពុជា អាយុ​ក្រោម ២០ ​ឆ្នាំ​ផងដែរ ដែល​ត្រូវ​ត្រៀម​ប្រកួត​វគ្គ​ជម្រុះ ពាន​យុវជន​អាស៊ី​អាយុ​ក្រោម ២០ ​ឆ្នាំ ខណៈ​នេះ​មិនមែនជា​លើក​ទី​ ១ ឡើយ​សម្រាប់​គេ គ្រា​ដែល​កាលពី​ឆ្នាំ ​២០១៩ គេ​ក៏មាន​ឈ្មោះ​ចូលរួម​លេង​ម្ដង​ដូចគ្នា​។​

​កាលពី​ឆ្នាំ​ ២០១៩ U-19 កម្ពុជា បានទទួល​សិទ្ធិ​ធ្វើជា​ម្ចាស់ផ្ទះ​វគ្គ​ជម្រុះ​ប្រចាំ​ពូ​ល G ដោយមាន U-19 ថៃ​, ម៉ាឡេស៊ី​, ព្រុយ​ណេ និង​កោះ​ម៉ា​រី​ណា​ខាងជើង រួម​ពូ​ល​ជាមួយ ហើយ​ជាក់ស្ដែង​នៅពេលនោះ U-19 កម្ពុជា បាន​ប្រឹងប្រែង​រហូត​បាន​កៅអី​ឡើងទៅ​លេង​ជុំ​ផ្ដាច់ព្រ័ត្រ ដែល​ត្រូវធ្វើ​នៅ​ដើមឆ្នាំ​ ២០២០ ប៉ុន្តែ​ត្រូវបាន​ខកខាន​វិញ ដោយសារ​វិបត្តិ​កូ​វីដ​-១៩ ធ្វើឱ្យ​សហព័ន្ធ​កីឡាបាល់ទាត់​ទ្វីបអាស៊ី (AFC) សម្រេច​លុបចោល​ព្រឹត្តិការណ៍​នេះ​។​

​និយាយ​ពី ជូ ស៊ិន​ទី វិញ​ក្នុងចំណោម​នៃ​ការជួយ​រួមចំណែក U-19 កម្ពុជា គេ​បាន​បង្ហាញខ្លួន​ចំនួន ២​ប្រកួត ក្នុងនោះ​ជម្រើស ១១ ​នាក់​ដំបូង​ទល់នឹង កោះ​ម៉ា​រី​ណា​ខាងជើង ហើយ​ប្រកួត​ទី​ ២ ប្ដូរ​ចូល​ពេល​ជួប U-19 ថៃ​។​

​សូមបញ្ជាក់ថា កាលពី​ថ្ងៃទី​ ០១ ខែកញ្ញា ឆ្នាំ​ ២០២២ សហព័ន្ធ​កីឡាបាល់ទាត់​កម្ពុជា បានប្រកាស​បញ្ជី​ឈ្មោះ​កីឡាករ​ជម្រើសជាតិ​អាយុ​ក្រោម ២០ ​ឆ្នាំ ២៣​ នាក់​ជា​ផ្លូវ​ការ ដើម្បី​ត្រៀម​ប្រកួត​ពានរង្វាន់​ជើងឯក​យុវជន​អាស៊ី​អាយុ​ក្រោម ២០ ​ឆ្នាំ វគ្គ​ជម្រុះ (AFC U-20 Asian Cup Qualification Round) ដែល​គ្រោង​ធ្វើ​នៅ​ប្រទេស​តាជី​គី​ស្ថាន​។

​ពាន​នឹង​ចាប់ផ្ដើម​ប្រកួត​ពីថ្ងៃ​ទី​ ១៤ ដល់​ថ្ងៃទី​ ១៨ ខែកញ្ញា ឆ្នាំ​ ២០២២ នៅ​ទឹកដី​កណ្ដាល​ប្រទេស​តាជី​គី​ស្ថាន​។ ក្រុម​ជម្រើសជាតិ​កម្ពុជា អាយុ​ក្រោម ២០ ​ឆ្នាំ ស្ថិតនៅ​ពូ​ល I ជាមួយ តាជី​គី​ស្ថាន​, សិង្ហ​បុរី និង​លី​បង់​៕

​អត្ថបទ​៖ មន្នី​រ័ត្ន​​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ១ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ២ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ២ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៤ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម