កីឡា
ក្រុម ៥ ដែលត្រូវបានគេព្យាករណ៍ថា អាចឈ្នះពាន World Cup 2022 ខណៈប្រេស៊ីល មានភាគរយខ្ពស់ជាងគេ
ការប្រកួតបាល់ទាត់ពិភពលោក (FIFA World Cup 2022) គ្រោងនឹងចាប់ផ្តើមនៅខែវិច្ឆិកា ខាងមុខនេះ ដោយមានប្រទេសចំនួន ៣២ មកពីជុំវិញពិភពលោក នឹងតតាំងគ្នាប្រជែងនៅក្នុងប្រទេសកាតា សម្រាប់ព្រឹត្តិការណ៍ដ៏រំភើបបំផុតមួយរបស់កីឡា។
ក្នុងចំណោម ៣២ ក្រុម មានក្រុមចំនួន ៥ ដែលគេព្យាករណ៍ថា មានភាគរយក្នុងការឈ្នះ World Cup 2022 នោះគឺប្រេស៊ីល អង់គ្លេស អេស្ប៉ាញ អាហ្សង់ទីន និងក្រុមការពារជើងឯក បារាំង។
– ៥.អាហ្សង់ទីន៖ (ពូល C៖ អាហ្សង់ទីន អារ៉ាប៊ីសាអូឌីត ម៉ិកស៊ិក ប៉ូឡូញ)
ឱកាសចុងក្រោយសម្រាប់អាហ្សង់ទីន? នេះប្រហែលជាការបង្ហាញខ្លួនលើកចុងក្រោយរបស់ Messi នៅ World Cup យ៉ាងណាមិញអាហ្សង់ទីន បានយកឈ្នះ អ៊ីតាលី ៣-០ ដើម្បីគ្រងពានរង្វាន់ Finalissima ឆ្នាំ ២០២២។ លើសពីនេះអាហ្សង់ទីន ស្ថិតនៅលើផ្លូវដែលមិនស្គាល់ចាញ់ ៣៥ ប្រកួត ដោយខ្វះតែ ៥ ប្រកួតទៀត នឹងបំបែកកំណត់ត្រាពិភពលោក។
– ៤.អេស្ប៉ាញ៖ (ពូល E៖ អេស្ប៉ាញ កូស្តារីកា អាល្លឺម៉ង់ ជប៉ុន)
អេស្បាញ ឈ្នះ World Cup លើកចុងក្រោយនៅឆ្នាំ ២០១០ ដោយឈ្នះហូឡង់ ១-០ នៅវគ្គផ្តាច់ព្រ័ត្រ។ ចាប់តាំងពីពេលនោះមក ពួកគេបានធ្លាក់ចុះទម្រង់លេងបន្តិចជាមួយនឹងទម្រង់លេងមិនសូវល្អក្នុងការប្រកួត World Cup ២ លើកចុងក្រោយ។
ទោះបីជាយ៉ាងណាក៏ដោយ ក្រុមនេះបានបង្ហាញពីទម្រង់លេងដ៏រឹងមាំមួយចំនួន ក្នុងប៉ុន្មានរដូវកាលចុងក្រោយនេះ ដោយបានឈានដល់វគ្គពាក់កណ្តាលផ្តាច់ព្រ័ត្រនៃ Euro 2020 ប៉ុន្តែបានចាញ់អ៊ីតាលី ដោយការស៊ុតបាល់ប៉េណាល់ទី។ ពួកគេក៏បានបញ្ចប់ចំណាត់ថ្នាក់រងនៅ Nations League ឆ្នាំនោះដែរ ដោយចាញ់បារាំង នៅវគ្គផ្ដាច់ព្រ័ត្រ។
ក្រុមនេះប្រសើរឡើងក្រោមការដឹកនាំរបស់ Luis Enrique។ អេស្ប៉ាញ មានចិត្តរំភើបយ៉ាងខ្លាំងក្នុងការប្រជែងយកជើងឯក World Cup។ ជាមួយនឹងការរំពឹងទុកពីកីឡាករវ័យក្មេងដូចជា Pedri, Gavi និង Ferran Torres មកពី Barcelona រួមជាមួយកីឡាករបទពិសោធន៍ដូចជា Jordi Alba នៅតំបន់ការពារ និង Rodri នៅខ្សែបម្រើ អេស្ប៉ាញនឹងមានលទ្ធភាព។
– ៣. អង់គ្លេស៖ (ពូល B៖ អង់គ្លេស អ៊ីរ៉ង់ សហរដ្ឋអាមេរិក វែល)
ឆ្នាំនេះនៅប្រទេសកាតា អង់គ្លេសគឺស្ថិតនៅលើរ៉ាដារបស់មនុស្សគ្រប់គ្នា បន្ទាប់ពីការបង្ហាញទម្រង់លេងដ៏គួរឲ្យចាប់អារម្មណ៍នៅក្នុង UEFA Nations League។ ពួកគេបានបញ្ចប់ក្នុងចំណាត់ថ្នាក់លេខ ៣ ក្នុងឆ្នាំ ២០១៩។ ថ្មីៗនេះ ពួកគេបានរងជើងឯកនៃពានរង្វាន់ទ្វីបអឺរ៉ុប (UEFA European Championship) ក្នុងឆ្នាំ ២០២០ ដោយចាញ់ក្រុមអ៊ីតាលី ៣-២ ដោយការស៊ុតបាល់ប៉េណាល់ទី។
ជាមួយនឹងកីឡាករដែលពួកគេមាននៅក្នុងក្រុមរបស់ពួកគេ បូកផ្អែកលើបទពិសោធន៍ក្រុមអាចបង្កជាគ្រោះថ្នាក់បាន។
– ២.បារាំង៖ (ពូល D៖ បារាំង អូស្ត្រាលី ដាណឺម៉ាក ទុយនេស៊ី)
បារាំងនឹងធ្វើដំណើរទៅកាន់ប្រទេសកាតា សម្រាប់ការប្រកួតបាល់ទាត់ពិភពលោក នៅឆ្នាំនេះ ចាត់ទុកថាជាក្រុមមួយក្នុងចំណោមក្រុមដែលអាចឈ្នះពានរង្វាន់នេះ។ ម្ចាស់ជើងឯក World Cup 2018 បានយកឈ្នះ ក្រូអាត ៤-២ នៅវគ្គផ្តាច់ព្រ័ត្រ។ ពួកគេក៏បានឈ្នះវាផងដែរក្នុងឆ្នាំ ១៩៩៨ ដោយបានយកឈ្នះប្រេស៊ីល ៣-០ ហើយជាប្រទេសមួយក្នុងចំណោមប្រទេសចំនួន ៦ ដែលបានឈ្នះពានរង្វាន់ច្រើនជាង ១ ដង។
ក្រុមនេះមានកីឡាករទេពកោសល្យវ័យក្មេងជាច្រើន ដោយមានបទពិសោធក្នុងក្រុមជាមួយនឹង Hugo Lloris, Antoine Griezmann, Paul Pogba ក្នុងចំណោមអ្នកផ្សេងទៀត។ Karim Benzema ត្រូវបានគេរំពឹងថានឹងត្រលប់មកក្រុមវិញបន្ទាប់ពីមិនត្រូវបានបញ្ចូលក្នុងឆ្នាំ ២០១៨។ Benzema ត្រូវបានគេដាក់ឈ្មោះថា UEFA Player of the Year បន្ទាប់ពីនាំ Real Madrid ឈ្នះជើងឯក Champions League កាលពីរដូវកាលមុន។
ចាប់តាំងពីការឈ្នះឆ្នាំ ២០១៨ របស់ខ្លួន បារាំងបានឈ្នះពានរង្វាន់ UEFA Nations League 2020-21 ដោយបានផ្តួលក្រុមអេស្ប៉ាញ នៅវគ្គផ្តាច់ព្រ័ត្រ។
– ១. ប្រេស៊ីល៖ (ពូល G៖ ប្រេស៊ីល ស៊ែប៊ី ស្វីស កាមេរូន)
ប្រេស៊ីលជាក្រុមដែលមានភាគរយឈ្នះពាន World Cup ឆ្នាំនេះនៅប្រទេសកាតា។ ពួកគេជាក្រុមល្អបំផុតក្នុងពិភពលោកនាពេលបច្ចុប្បន្ន។ ប្រេស៊ីលបានឈ្នះពាន World Cup ច្រើនជាងប្រទេសដទៃទៀត ដោយឈ្នះវាបាន ៥ ដង។ លើកចុងក្រោយគេឈ្នះក្នុងឆ្នាំ ២០០២ នៅប្រទេសជប៉ុន។
Gabriel Jesus, Neymar និង Vinicius Junior សុទ្ធតែធ្វើបានល្អនៅរដូវកាលនេះនៅក្នុងលីគរៀងៗខ្លួន។ ប្រេស៊ីលក៏នឹងមានកីឡាករ Phillipe Coutinho, Lucas Paquetá, Rafinha និង Antony ក្នុងការរួមចំណែកដល់ក្រុមផងដែរ។
ខណៈពេលដែលមានតែប្រយុទ្ធតែមួយមុខមិនគ្រប់គ្រាន់នឹងឈ្នះការប្រកួត ក្រោមការគ្រប់គ្រងរបស់ លោក Tito ប្រេស៊ីលបានបង្កើតឆ្អឹងខ្នងការពារដ៏រឹងមាំផងដែរ ដែលមាន Alisson, កីឡាករជើងចាស់ Thiago Silva, Marquinhos, Casemiro និង Fabinho។ ប្រេស៊ីល ជាក្រុមដែលត្រូវបានគេចាត់ទុកថា ត្រៀមឈ្នះពាន World Cup ឆ្នាំនេះនៅកាតា។ ការប្រកួត World Cup ចាប់ផ្តើមនៅថ្ងៃទី២០ ខែវិច្ឆិកា ជាមួយនឹងវគ្គផ្តាច់ព្រ័ត្រនៅថ្ងៃទី ១៨ ខែធ្នូ៕
អត្ថបទ៖ មន្នីរ័ត្ន
សង្ក្រាន្តថៃឆ្នាំ២០២៤ ៖ យុវវ័យទទួលទានគ្រឿងស្រវឹងហើយបង្កហេតុ ត្រូវមានទោសដល់អ្នកលក់និងអ្នកបបួលផឹក
អាជ្ញាធរខេត្តសៀមរាប ប្រគល់វិញ្ញាបនបត្រសម្គាល់ម្ចាស់អចលនវត្ថុ ជូនពលរដ្ឋ៤ភូមិក្នុងសង្កាត់ក្របីរៀល
ដើមខែមេសាខេត្តសៀមរាប មានករណីអគ្គិភ័យជិត១០លើក ខូចខាតទ្រព្យសម្បត្តិពលរដ្ឋជាង១០ម៉ឺនដុល្លារ
សមត្ថកិច្ចចុះឆែកឆេរផ្ទះឈ្មួញ ក្នុងភូមិជោគជ័យ រឹបអូសសាច់មាន់ជាង ៣ តោនយកទៅកម្ទេចចោល
លោក ហ្សេលេនស្គី៖ ត្រឹមមួយខែមីនា រុស្ស៊ី ទម្លាក់គ្រាប់បែកជាង ៣ ០០០គ្រាប់ លើអ៊ុយក្រែន
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
ខ្លះៗពីទិវាកុហក ១ មេសា ឬ April Fools’ Day
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានអន្ដរជាតិ៤ ថ្ងៃ agoកម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៤ ថ្ងៃ agoមន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
KPT+៣ ថ្ងៃ agoខ្លះៗពីទិវាកុហក ១ មេសា ឬ April Fools’ Day
-
ព័ត៌មានជាតិ៣ ថ្ងៃ agoក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
ចរាចរណ៍៦ ថ្ងៃ agoបឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានអន្ដរជាតិ២ ថ្ងៃ agoអ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល
-
ព័ត៌មានអន្ដរជាតិ១ សប្តាហ៍ agoលម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore
-
ចរាចរណ៍៧ ថ្ងៃ agoមន្ត្រីសុរិយោដីម្នាក់ស្រវឹងបើករថយន្ត ឡើងសួនច្បារ ខណៈវាស់ជាតិអាល់កុលឃើញ១.៥៥mg/L