កីឡា

លោក Honda ទម្លាយមូលហេតុបើកបេះដូងទទួលដឹកនាំក្រុមកម្ពុជា

បានផុស

៣ years មុន

នៅ

ថ្ងៃពុធ ២៦ តុលា ២០២២

ដោយ

លោក Keisuke Honda បានក្លាយជាអ្នកចាត់ការទូទៅក្រុមបាល់ទាត់ជម្រើសជាតិកម្ពុជារយៈពេល៤ឆ្នាំហើយគិតត្រឹមពេលនេះ ហើយគោលដៅរបស់លោកធំបំផុតគឺមេដាយស៊ីហ្គេម ឆ្នាំ២០២៣ នៅកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិតណាស់ការដឹកនាំរបស់លោកដោយស្ម័គ្រចិត្ត និងមិនទទួលយកប្រាក់ខែពីសហព័ន្ធកីឡាបាល់ទាត់កម្ពុជាទេ ដូច្នេះហើយអាចធ្វើឲ្យអ្នកគាំទ្រមួយចំនួនឆ្ងល់ថា ហេតុអ្វីបានជាលោកទទួលយកការងារជាអ្នកចាត់ការទូទៅដោយមិនទទួលយកប្រាក់កម្រៃ។

ក្នុងការផ្សាយលើផេកឆ្លើយតបនឹងចម្ងល់អ្នកគាំទ្រ លោក Keisuke Honda បាននិយាយថា ៖«ខ្ញុំធ្វើការជាមួយក្រុមជម្រើសជាតិកម្ពុជារហូតដល់ពេលនេះគឺរយៈពេល៤ឆ្នាំហើយ។ ពេលខ្ញុំចាប់ផ្តើមទទួលយកការងារនេះ ដំបូងដោយសារប្រជាជនកម្ពុជា និងសហព័ន្ធកីឡាបាល់ទាត់កម្ពុជាត្រូវការខ្ញុំដើម្បីផ្លាស់ប្តូរបាល់ទាត់នៅក្នុងប្រទេសកម្ពុជា។ ខ្ញុំមានអារម្មណ៍ថា ឆន្ទៈ និងភាពមុះមាត់ក្នុងការចង់ផ្លាស់ប្តូរគឺមានខ្លាំងដែលធ្វើឲ្យបេះដូងខ្ញុំទទួលយកការងារនេះ»។

ពិតណាស់ លោក Keisuke Honda ធ្លាប់មកកម្ពុជាជាច្រើនលើកមុនពេលលោកទទួលយកការងារជាអ្នកចាត់ការ។ ក្នុងពេលលោកជាកីឡាករជាប់ជម្រើសជាតិជប៉ុន លោកធ្លាប់មកប្រកួតជាមួយក្រុមបាល់ទាត់ជម្រើសជាតិកម្ពុជាក្នុងវគ្គជម្រុះបាល់ទាត់ពិភពលោក និងជើងឯកទ្វីបអាស៊ី។ ពេលលោកលេងទល់នឹងក្រុមជម្រើសជាតិកម្ពុជានៅពហុកីឡដ្ឋានជាតិមានអ្នកគាំទ្រច្រើនណាស់ពោលគឺចាប់ពី៤ម៉ឺននាក់ឡើងដែលចូលចិត្ត គាំទ្រ និងលើកទឹកចិត្តជម្រើសជាតិកម្ពុជា។ ទិដ្ឋភាពបែបទាំងនោះក៏អាចជាកត្តាខ្លះៗជំរុញឲ្យលោកចូលចិត្ត និងចង់ជួយបាល់ទាត់កម្ពុជាឲ្យរីកចម្រើន៕