កីឡា

ស្រីស្អាតតេក្វាន់ដូ លីណា ពេញចិត្តជម្រើសជាតិ២នៅ World Cup

បានផុស

៣ years មុន

នៅ

ថ្ងៃពុធ ១៦ វិច្ឆិកា ២០២២

ដោយ

កីឡាការិនីតេក្វាន់ដូជម្រើសជាតិកម្ពុជា ឈឿង លីណា ជ្រើសរើសយកក្រុមជម្រើសជាតិ២ដែលអាចនឹងឈ្នះជើងឯកបាល់ទាត់ពិភពលោក FIFA World Cup ឆ្នាំ២០២២នេះនៅប្រទេសកាតា ដែលនឹងចាប់ផ្តើមប្រកួតជាផ្លូវការនាថ្ងៃទី២០ ខែវិច្ឆិកានេះហើយ ខណៈក្រុមបាល់ទាត់ជម្រើសជាតិទាំង៣២បាន និងកំពុងធ្វើដំណើរទៅកាន់ប្រទេសកាតា។

ឈឿង លីណា បានប្រាប់ថា ៖«ខ្ញុំពេញចិត្តក្រុមជម្រើសជាតិប្រេស៊ីល និងអាល្លឺម៉ង់ ដែលអាចឈ្នះជើងឯក World Cup ឆ្នាំនេះ តែបើនិយាយពីការពេញចិត្តបំផុតគឺ ប្រេស៊ីល»។ កញ្ញាពន្យល់ថា ក្រុមបាល់ទាត់ជម្រើសជាតិប្រេស៊ីលសំបូរកីឡាករឆ្នើមៗលំដាប់ពិភពលោកច្រើនណាស់ទាំងខ្សែការពារ បម្រើ និងប្រយុទ្ធ។ ពួកកេសុទ្ធតែលេងនៅលីគកំពូលៗទូទាំងពិភពលោកជាពិសេសនៅអឺរ៉ុប។ ចំណែកក្រុមជម្រើសជាតិអាល្លឺម៉ង់ក៏មិនធម្មតាដែរ ពីព្រោះពួកគេក៏សំបូរកីឡាករឆ្នើមៗច្រើនកម្រិតពិភពលោកច្រើនណាស់។

ក្រុមជម្រើសជាតិប្រេស៊ីលស្ថិតនៅពូល G ជាមួយ ស៊ែប ស្វីស និងកាមេរូន។ បើកឆាកក្នុងពូល ប្រេស៊ីល ជួប ស៊ែប ថ្ងៃទី២៥ វិច្ឆិកា, ប្រកួតទី២ ជួប ស្វីស ថ្ងៃទី២៨ វិច្ឆិកា និងជួប កាមេរូន ថ្ងៃទី៨ ខែធ្នូ។

ចំណែកក្រុមជម្រើសជាតិអាល្លឺម៉ង់ ស្ថិតនៅ ពូល E ជាមួយ អេស្ប៉ាញ កូស្តារីកា និងជប៉ុន។ ថ្ងៃបើកឆាកក្នុងពូល អាល្លឺម៉ង់ ប៉ះ ជប៉ុន ថ្ងៃទី២២ វិច្ឆិកា, ប្រកួតទី២ប៉ះអេស្ប៉ាញ ថ្ងៃទី២៨ វិច្ឆិកា និងប៉ះកូស្តារីកា ថ្ងៃទី១ ខែធ្នូ។

សូមបញ្ជាក់ថា ឈឿង លីណា ដែលជាកីឡាការិនីតេក្វាន់ដូជម្រើសជាតិកម្ពុជាដ៏ល្អម្នាក់ដែលធ្លាប់ចូលរួមប្រកួតក្នុងព្រឹត្តិការណ៍ធំជាច្រើនដូចជាកីឡាស៊ីហ្គេម ការប្រកួតក្នុងតំបន់ និងជើងឯកពិភពលោក World Championship (Muju City) ដែលទទួលបានមេដាយជាបន្តបន្ទាប់ដែរ។ សព្វថ្ងៃនេះកញ្ញាកំពុងហ្វឹកហាត់ត្រៀមស៊ីហ្គេម ឆ្នាំ២០២៣នៅកម្ពុជា៕

អត្ថបទ៖ វីរបុត្រ