ម្ចាស់ផ្ទះ កាតា បង្កើតប្រវត្តិសាស្រ្តអាក្រក់មួយទៀត ក្នុងព្រឹត្តិការណ៍ World Cup

កាតា បានក្លាយជាក្រុមដំបូងគេដែលជ្រុះចេញពីព្រឹត្តិការណ៍ FIFA World Cup 2022 កាលពីថ្ងៃសុក្រ បន្ទាប់ពីម្ចាស់ផ្ទះ ប្រកួតចាញ់សេណេហ្គាល់ ៣-១ ក្នុងការប្រកួតទីពីរ នៃពូល A។

លទ្ធផល​នោះ ​បាន​ធ្វើឲ្យ​កាតា​មាន ​សូន្យ​ពិន្ទុ​ពី​ការ​ប្រកួត​ចំនួន​ពីរលើករបស់ពួកគេ។

កាតា ក៏បានបង្កើតប្រវត្តិសាស្រ្ត World Cup ផងដែរ ដោយបានក្លាយជាម្ចាស់ផ្ទះក្រុមទី១ ដែលធ្លាក់ចេញពីព្រឹត្តិការណ៍នេះលឿនជាងគេបំផុត ខណៈកំណត់ត្រាចាស់ ត្រូវកាន់កាប់ដោយក្រុមអាហ្វ្រិកខាងត្បូងក្នុងឆ្នាំ២០១០។

ជោគវាសនារបស់កាតា ត្រូវបានកំណត់ត្រឹមតែ២ប្រកួត ខុសពីអាហ្វ្រិកខាងត្បូង ដែលត្រូវកាត់សេចក្តីនៅប្រកួតទី៣។

គួរបញ្ជាក់ថា កាតា នឹងបញ្ចប់យុទ្ធនាការ World Cup 2022 ជាមួយនឹងការប្រកួតទល់នឹងក្រុមហូឡង់ នៅថ្ងៃអង្គារសប្តាហ៍ក្រោយ ខណៈ អេក្វាឌ័រ ប្រកួតជាមួយសេណេហ្គាល់ក្នុងពេលដំណាលគ្នា៕

ប្រែសម្រួល៖ Vann Vann

ប្រភព៖ FN

ចុចអាន៖ កីឡាករអ៊ីរ៉ង់ ច្រៀងចម្រៀងជាតិឡើងវិញ ធ្វើឲ្យអ្នកគាំទ្រ ទ្រហោយំក្នុងកីឡដ្ឋាន