កីឡា

ភាពភ័យខ្លាចរបួសរបស់ Neymar កាន់តែកើនឡើងជុំវិញការវិលមកលេង World Cup ជាថ្មី

បានផុស

៣ years មុន

នៅ

ថ្ងៃសុក្រ ២ ធ្នូ ២០២២

ដោយ

តារាឆ្នើមប្រេស៊ីល Neymar បានជួបបញ្ហារបួសកជើងក្នុងការប្រកួតបើកឆាករបស់ក្រុមខ្លួនទល់នឹង Serbia ជាមួយនឹងភាពមន្ទិលសង្ស័យកាន់តែខ្លាំងឡើងជុំវិញកាលបរិច្ឆេទវិលត្រលប់មកវិញក្នុងការប្រកួតបាល់ទាត់ពិភពលោក។

Neymar ទទួលបានសារការគាំទ្រពីវីរបុរសប្រេស៊ីល Ronaldo ចំពេលមានការភ័យខ្លាចថា World Cup របស់គេអាចនឹងត្រូវបញ្ចប់។

Neymar ត្រូវបានប្ដូរចេញនៅនាទី ៨០ នៃជ័យជម្នះ ២-០ របស់ប្រេស៊ីល លើស៊ែប៊ី កាលពីថ្ងៃព្រហស្បតិ៍ ហើយបន្ទាប់មកត្រូវបានគេថតដោយទឹកភ្នែកនៅលើកៅអីបម្រុង មុនពេលដែលបញ្ជាក់ថា នឹងអវត្តមានពីការប្រកួតក្នុងពូលដែលនៅសេសសល់របស់ប្រទេសរបស់ខ្លួន ជាមួយនឹងប្រទេសស្វីស ដែលប្រេស៊ីល បានឈ្នះ ១-០ នៅលើល្ងាចថ្ងៃចន្ទ – និងកាមេរូន ថ្ងៃនេះ។

តារាឆ្នើមរបស់ក្រុម Paris Saint-Germain ត្រូវបានគេធ្វើរោគវិនិច្ឆ័យថាមានរបួសកជើង ប៉ុន្តែមានការព្រួយបារម្ភកាន់តែខ្លាំងឡើងថា អាចនឹងមានការខូចខាតសរសៃចងនៅកជើង។ ការរំពឹងពីការវិលត្រលប់របស់គេក្នុងវគ្គ ១៦ ក្រុមចុងក្រោយ ដែលប្រេស៊ីលនឹងត្រូវប្រឈមមុខនឹងក្រុមជម្រើសជាតិព័រទុយហ្គាល់, ហ្គាណា, កូរ៉េខាងត្បូង ឬអ៊ុយរូហ្គាយ ឥឡូវកំពុងស្ថិតក្នុងហានិភ័យ។

ប្រសិនបើ Neymar បានរងការខូចខាតសរសៃពួរ នោះពេលវេលារំពឹងទុកសម្រាប់ការត្រលប់មកមានភាពល្អប្រសើឡើងវិញគឺមានរយៈពេល ៣ សប្តាហ៍។ នោះនឹងធ្វើឲ្យគេស្ថិតក្នុងការប្រជែងនឹងពេលវេលា ដើម្បីឲ្យមានការជាសះស្បើយ ១០០ ភាគរយ សម្រាប់ការប្រកួត World Cup វគ្គផ្ដាច់ព្រ័ត្រ ប្រសិនបើប្រេស៊ីលធ្វើវាបានឆ្ងាយនៅក្នុងការប្រកួតនោះ៕

ប្រភព ៖ mirror.co.uk

អត្ថបទ ៖ មន្នីរ័ត្ន