កីឡា

Messi ធានាប្រាប់ PSG ថា គេនឹងបន្តស្នាក់នៅជាមួយក្លិបយ៉ាងហោចណាស់ ១ ឆ្នាំទៀត

បានផុស

៤ years មុន

នៅ

ថ្ងៃព្រហស្បតិ៍ ២២ ធ្នូ ២០២២

ដោយ

អ៊ិន ពិសី

Lionel Messi បានផ្ដល់ការធានាដល់ក្លិប Paris St Germain ថា នឹងចុះកុងត្រាថ្មីជាមួយបន្ថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចព្រមព្រៀងពាក្យសំដីលើការបន្តយ៉ាងហោចណាស់ ១ ឆ្នាំទៀត គឺធ្វើឡើងជាមួយប្រធានក្រុមដែលឈ្នះពានរង្វាន់ World Cup របស់អាហ្សង់ទីន ប៉ុន្តែមិនទាន់មានការចុះហត្ថលេខាជាផ្លូវការពិតប្រាកដនៅឡើយទេ។

Inter Miami ក៏ជាក្លិបដែលចង់ចុះហត្ថលេខាលើកីឡាករវ័យ ៣៥ ឆ្នាំរូបនេះផងដែរ ប៉ុន្តែ Messi បានសម្រេចចិត្តថា ខ្លួនមិនទាន់ត្រៀមខ្លួនរួចរាល់ក្នុងការផ្លាស់ទៅលីគកំពូលអាមេរិក (MLS) នៅឡើយទេ។

Messi បានមកដល់ទីក្រុង Buenos Aires ដើម្បីទទួលស្វាគមន៍ពីអ្នកគាំទ្រអាហ្សង់ទីនដែលនិយមជ្រុលក្នុងសប្ដាហ៍នេះ ប៉ុន្តែបានត្រៀមខ្លួនរួចរាល់ហើយដើម្បីត្រឡប់ទៅទីក្រុងប៉ារីសវិញ នៅចុងខែនេះ ហើយនឹងរីករាយបន្តនៅទីនោះ។

មិត្តរួមក្លិបរបស់គេ Kylian Mbappe បានត្រលប់មកហ្វឹកហាត់ជាមួយ PSG វិញហើយ កាលពីថ្ងៃពុធ បន្ទាប់ពីការខកចិត្តដ៏ជូរចត់ ក្រោយបារាំងចាញ់ការប្រកួតវគ្គផ្ដាច់ព្រ័ត្រ World Cup កាលពីថ្ងៃអាទិត្យ។

មានការរំពឹងទុកជាច្រើនជុំវិញអនាគតរបស់ប្រធានក្រុមជម្រើសជាតិអាហ្សង់ទីន ដោយមានទំនាក់ទំនងជាមួយក្លិប Inter Miami របស់ David Beckham កាន់តែខ្លាំង ខណៈពេលការបញ្ចប់កុងត្រារបស់គេកាន់តែខិតជិតមកដល់។

ទន្ទឹមជាមួយទាំង Mbappe និង Neymar កីឡាករអាហ្សង់ទីនរូបនេះបានបំពេញនូវតំបន់ប្រយុទ្ធដ៏មានឥទ្ធិពលបំផុតមួយនៅក្នុងទ្វីបអឺរ៉ុប ហើយរវាងពួកគេទាំង ៣ រកបាន ៦៥ គ្រាប់ និង ៣៩ assists នៅគ្រប់ការប្រកួតទាំងអស់សម្រាប់ក្លិប និងប្រទេស។

ម្ចាស់ពាន Ballon d’Or ៧ សម័យរូបនេះ ស៊ុតបញ្ចូលទីបាន ៧ គ្រាប់ និងបញ្ជូនបាល់ឲ្យមិត្តរួមក្រុមស៊ុតបញ្ចូលទីបាន ៣ គ្រាប់ទៀត ក្នុងប្រទេសកាតា ដើម្បីក្លាយជាកីឡាករដំបូងគេក្នុងប្រវត្តិសាស្ត្រដែលឈ្នះពានរង្វាន់កីឡាករល្អបំផុត ២ ដង នៅ World Cup៕

ប្រភព ៖ dailymail.co.uk

អត្ថបទ ៖ មន្នីរ័ត្ន